سی اے اے نے کیٹیگری سی فہرست میں شامل ممالک کے مسافروں کو پاکستان سفر کروانے کے لیے نئی ہدایات جاری کردی۔

تفصیلات کے مطابق سی اے اے نے کیٹگری سی مسافروں کو پاکستان سفر کروانے کے لیے نئی ہدایات جاری کردی، سی اے اے کے ڈائریکٹر ایرٹرانسپورٹ عرفان صابر نے نیا حکم نامہ جاری کردیا۔

حکم نامے کے مطابق سی کیٹگری ملکوں سے متعلق  ایرلائنز سی اے اے شرائط پر سختی سے عمل کرنا ہوگا۔

حکم نامے میں کہا گیا ہے کہ کیٹیگری سی فہرست میں شامل ملکوں کے مسافروں پر پاکستان سفر پر مکمل پابندی ہے جبکہ سی کیٹگری سے پاکستان سفر کرانے کے لیے ایرلاینز کو خصوصی اجازت نامہ حاصل کرنا ہوگا۔

حکم نامے میں یہ بھی کہا گیا کہ پاکستان سفر کرنے سے پہلے ایرلاینز کیٹگری سی ملکوں سے آنے والے مسافروں کی مکمل تفصیل سی اے اے دینے کی پابند ہونگی جبکہ سی کیٹگری ملکوں کے مسافروں کی سفری معلومات محکمہ صحت حکام کو بھی فراہم کرنے کی پابندی ہونگی۔

حکم نامے میں کہا گیا ہے کہ مسافروں کی تفصیلات پاکستان کے  متعلقہ شہرں کے ایرپورٹس پر بھی دینے کے لیے ایرلاینز پر شرط رکھی گئی ہے اور پابندی والے ملکوں کے مسافروں کے پاکستان سفر کرنے کے خصوصی اجازت نامہ حاصل کرنا ہوگا۔

سی اے اے کے ڈائریکٹر ایرٹرانسپورٹ عرفان صابر کی جانب سے جاری حکم نامے میں مزید کہا گیا ہے کہ کیٹگری سی ملکوں کے مسافروں کی تفصیلات چیک ان بند ہونے کے فوری بعد پاکستان کے متعلقہ ایرپورٹس پر سی اے اے کو فراہم کرنا لازمی ہے جبکہ ایس او پی میں کورونا وائرس ٹیسٹ، قرنطینہ کے خصوصی پروٹوکولز پر عمل کرنا بھی لازمی ہے۔