پی ٹی آئی رہنما خرم شیرزمان نے کہا ہے کہ پی ڈی ایم کا این آر او کا خواب کبھی پورا نہیں ہوگا۔
تفصیلات کے مطابق پی ٹی آئی رہنما خرم شیرزمان نے مریم نواز کی تقریر پر رد عمل دیتے ہوئے کہا کہ بار بار کی شکست کا اثر براہ راست مریم نواز کے دماغ پر ہوچکا ہے۔
پی ٹی آئی رہنما نے کہا ہے کہ مریم کی رسی جل گئی مگر بل نہیں گئے ، مریم کی جھوٹی تقاریر سے مفرور مریم کے بابا متاثر ہوتے ہیں۔
خرم شیرزمان نے یہ بھی کہا کہ پاکستانی قوم نہیں مریم نیب میں اثاثوں کی رسیدیں پیش کریں جبکہ مریم نواز عوام کو گمراہ نہ کریں۔
پی ٹی آئی رہنما خرم شیرزمان نے مزید کہا کہ پاکستانی قوم باشعور ہے، عوام جانتے ہیں یہ سیاسی بچے والدین کی کرپشن کیلئے جدوجہد کررہے ہیں البتہ نواز شریف وطن واپس آئیں نیب سے پلی بارگین لیں اور جہاں جانا ہے جائیں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
