پاکستان پیپلز پارٹی کی رہنما سینیٹر شیری رحمان نے کہا ہے کہ نئے پاکستان میں کوئی سننے والا نہیں ہے، غریب طلباء کی فریاد  کابینہ کے بند کانوں پر ضائع ہوئی ہے۔

تفصیلات کے مطابق پاکستان پیپلز پارٹی کی رہنما سینیٹر شیری رحمان نے سماجی رابطے کی ویب سایٹ ٹوئٹر پر اپنے ایک پیغام میں کہا کہ نئے پاکستان میں کوئی سننے والا نہیں ہے ،یہ طلباء مہینوں سے مطالبہ کر رہے ہیں کہ انہیں موجودہ اسکالرشپ پر تعلیم حاصل کرنے کی اجازت دی جائے۔

شیری رحمان نے کہا کہ پی ایم سی آئل کے سامنے جہاں بلوچستان اور فاٹا کے طلباء 12 دن سے احتجاج کر رہے ہیں ، ان کے جائز مطالبات کو بے رحمی کے ساتھ نظرانداز کیا جارہا ہے۔

Advertisement

شرم کرو۔ اس نوجوان کا کیا قصور ہے کہ یہ بھوک ہڑتال کرنے پر مجبور ہو گیا؟ اسلام آباد آیا بننو سے کے شاید اس کی میڈیکل کالج میں نشت بہال ہو گی- کوی سنے والا نہیں ہے نۓ پاکستان میں-غریب طلبا کی فریاد کابینہ کے بند کانوں پر ظایہ ہوی pic.twitter.com/pCeits8ADA

— SenatorSherryRehman (@sherryrehman) April 9, 2021

انہوں نے کہا کہ احتجاج کے دوران  نوجوان طالب علم عارف بھوک ہڑتال سے بے ہوش ہو گیا حالانکہ وہ بنوں سے اسلام آباد آیا تھا کہ شاید اس کی میڈیکل کالج میں نشت بہال ہو گئی ہوگی۔

شیری رحمان نے حکومت سے سوال کرتے ہوئے کہا کہ شرم کرو، اس نوجوان کا کیا قصور ہے کہ یہ بھوک ہڑتال کرنے پر مجبور ہو گیا؟

شیری رحمان نے یہ بھی کہا کہ ان کو ایک ڈیپارٹمنٹ سے لے کر دوسرے ڈیپارٹمنٹ تک پھینک دیا جارہا ہے کیونکہ ان کی 364 میڈیکل کالج کی وظائف ایچ ای سی نے چھین لی ہیں۔

 پاکستان پیپلز پارٹی کی رہنما سینیٹر شیری رحمان نے مزید کہا کہ کابینہ میں کسی نے ان سے بات نہیں کی ایچ ای سی جیسے اداروں کو آرڈیننس کے ہتھوڑے سے توڑ رہے ہیں۔