عوام کو محفوظ ماحول کی فراہمی صوبائی حکومت کی اولین ذمہ داری ہے، گورنر سندھ

وریشہ مسعود

16th Apr, 2021. 10:02 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

عوام کو محفوظ ماحول کی فراہمی صوبائی حکومت کی اولین ذمہ داری ہے، گورنر سندھ
مشرف علی زیدی عالمی میڈیا کےلئے ترجمان وزیراعظم مقرر، عطا اللہ تارڑ کی تصدیق ، نو ٹیفکیشن جاری
پنجاب اسمبلی کا 34 واں اجلاس کل شروع ہوگا، اہم بلز اور حکومتی امور پر بحث متوقع
ریڈ لائن منصوبہ عوام کیلیے وبال جان، پیپلزپارٹی نے کراچی کو تجربہ گاہ بنا دیا، حافظ نعیم الرحمان

Now Reading:

عوام کو محفوظ ماحول کی فراہمی صوبائی حکومت کی اولین ذمہ داری ہے، گورنر سندھ

گورنر سندھ عمران اسماعیل نے کہا ہے کہ عوام کو محفوظ اور پر امن ماحول کی فراہمی صوبائی حکومت کی اولین ذمہ داری ہے۔

تفصیلات کے مطابق گورنر سندھ عمران اسماعیل نے وزیراعلیٰ سندھ سید مراد علی شاہ کے نام خط لکھا جس میں انھوں نے کہا کہ کورونا کی تیسری لہر پاکستانی عوام کو بری طرح متاثر کر رہی ہے۔

گورنر سندھ عمران اسماعیل نے اپنے خط میں کہا کہ وبا کو محدود کرنے کے لیے وفاقی و صوبائی حکومتیں تمام وسائل بروئے کار لارہی ہیں، سندھ میں مثبت کیسز کا تناسب کافی کم ہے اور ہمیں اس قدر مستحکم صورتحال کو برقرار رکھنا ہے۔

خط میں کہا گیا ہے کہ گزشتہ چند روز سے کراچی سمیت ملک کے تمام بڑے شہروں میں چند شرپسند عناصر ناجائز احتجاج اور دھرنے کر رہے ہیں، میں سمجھتا ہوں کہ ان حالات کی وجہ سے قانون نافذ کرنے والے اداروں کو قیام امن میں چیلنجز کا سامنا ہے۔

خط میں یہ بھی کہا گیا ہے کہ وفاقی حکومت کا واضح موقف ہے کہ قانون کی بالادستی کو ہر صورت برقرار رکھا جائے اور شرپسند عناصر کے خلاف قانونی کارروائی کو یقینی بنایا جائے۔

گورنر سندھ عمران اسماعیل نے اپنے خط میں مزید کہا کہ میں یقین دلاتا ہوں کہ وفاقی حکومت، سندھ حکومت کی معاون اور مددگار رہے گی۔