پاکستان شوبز انڈسٹری کے معروف اداکار عدنان صدیقی نے عالمی وبا کی بدترین صورتحال میں بھارت کو کی جانے والی مدد کی پیشکش پر ایدھی فاؤنڈیشن کو خوب سراہا ہے۔

عدنان صدیقی نے مائیکرو بلاگنگ سائٹ ٹوئٹر پر جاری کیے گئے پیغام میں کہا کہ ’ایدھی فاؤنڈیشن کی جانب سے بھارت کے لیے ہمدردی دیکھ کر بہت زیادہ خوشی ہوئی۔‘

Such a compassionate gesture by Edhi Foundation. It is only humane that we rise above political differences and diplomatic disagreements in this time of crisis and help India. Humanity is above all. #covid19. pic.twitter.com/CKLk1rm0kx

— Adnan Siddiqui (@adnanactor) April 24, 2021

اداکار نے کہا کہ ’یہ صرف انسانیت کی بات ہے کہ ہم بحران کے اس دور میں سیاسی اختلافات اور سفارتی اختلاف رائے سے بالاتر ہوکر بھارت کی مدد کریں۔‘

واضح رہے کہ بھارت میں کورونا وائرس کی تشویشناک صورتحال سے اسپتالوں میں طبی سامان اور سہولتوں کی کمی کے پیشِ نظر ایدھی فاؤنڈیشن کی جانب سے بھارت کو مدد کی پیشکش کی گئی ہے۔

پاکستان نے بھارت کیلئے مشکل وقت میں خیرسگالی کے جذبے کے تحت بھارت میں کورونا کے مریضوں کیلئے 50 ایمبولینسز فراہم کرنے کی پیش کش کی ہے۔

ایدھی فاونڈیشن کے سربراہ فیصل ایدھی نے بھارتی وزیراعظم نریندر مودی کے نام ایک خط لکھا ہے جس میں ایمبولینس سمیت ایمرجنسی میڈیکل ٹیکنیشنز کی ٹیم بھیجنے کی پیشکش کی ہے۔

اس حوالے سے عدنان صدیقی نے کہا کہ ’ایدھی فاؤنڈیشن نے ایک بار پھر ثابت کردیا ہے کہ انسانیت سب سے بڑھ کر ہے۔‘