امیر جماعت اسلامی سراج الحق نے کہا ہے کہ لوگ نااہل حکمرانوں کا بائیکاٹ کریں۔
تفصیلات کے مطابق امیر جماعت اسلامی سراج الحق نے اپنے ایک بیان میں کہا کہ مہنگائی اور بے روزگاری قوم کے لئے سب سے بڑی آزمائش بن چکی ہے۔
سراج الحق نے کہا کہ حکمرانوں میں احساس نام کی کوئی چیز نہیں ہے جبکہ مافیاز کو جیلوں میں بھیجنے کے بجائے ان کی ڈھکی چھپی سرپرستی ہو رہی ہے۔
انہوں نے کہا کہ رمضان میں بھی لوگ لمبی قطاروں میں گھنٹوں کھڑے ہو کر راشن خریدتے ہیں ،بے روزگاری نے گھر گھر ڈیرے ڈالے ہوئے ہیں۔
سراج الحق کا کہنا تھا کہ سرکاری اور پرائیویٹ سیکٹرز میں جابز نہیں ہیں ،مارکیٹیں بند پڑی ہیں تاجر اور چھوٹے دکاندار رو رہے ہیں جبکہ ملک میں ترقیاتی کام بھی ٹھپ پڑے ہیں۔
Advertisement
امیر جماعت اسلامی سراج الحق نے مزید کہا کہ حکمران کھوکھلے نعرے لگانا بند کریں۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
