وزیرخارجہ شاہ محمود قریشی نے کہا ہے کہ پاکستان میں کورونا سے بچاؤ کے لئے  ویکسینیشن کا عمل بتدریج جاری ہے۔

تفصیلات کے مطابق وزیرخارجہ شاہ محمود قریشی کی ایرانی ہم منصب جواد ظریف سے ملاقات ہوئی ہے جس میں پاک ایران تعلقات اور خطے کی صورتحال پر تبادلہ خیال کیا گیا ہے۔

ملاقات میں پاک ایران مفاہمتی یادداشت پردونوں ملکوں کے وزرائے خارجہ نے دستخط کیے ہیں۔

شاہ محمود قریشی نے کہا کہ تجارتی منڈیوں کا مقصد معاشی تعلقات کا فروغ اورسرحدی علاقوں کے رہائشیوں کی فلاح ہے ،پہلےمرحلےمیں سرحدی مقامات پر 3 تجارتی منڈیوں کاقیام عمل میں لایا جائے گا اور پھر دیگر 3 سرحدی مقامات پر مشترکہ بازار قائم کیےجائیں گے۔

ملاقات میں پاکستان اورایران کےدرمیان بین السرحدی تجارتی منڈیوں کےقیام پر مفاہمتی یادداشت اور پاک ایران سرحدی امور پر بھی بات چیت کی گئی ہے۔

ان منڈیوں کا انتظام دونوں ملکوں کے مابین طے کردہ معاہدوں اورطریقہ کار کےتحت ہوگا۔

ایرانی وزیرخارجہ کا کہنا تھا کہ بھائی اوردوست شاہ محمود قریشی کے ساتھ زبردست ملاقات رہی ہے۔

وزیرخارجہ شاہ محمود قریشی سے ملاقات میں  کورونا عالمی وبائی چیلنج سمیت باہمی دلچسپی کے مختلف امور پر بھی تبادلہ خیال کیا گیا ہے۔

شاہ محمود قریشی نے کہا کہ کورونا وباء کے پھیلاؤ کو روکنے کے لئے عالمی ادارہ صحت کی خدمات قابل تحسین ہیں ،پاکستان میں کورونا وباء کی تیسری لہر پہلے سے زیادہ مہلک ثابت ہو رہی ہے۔

وزیرخارجہ کا کہنا تھا کہ وبا کے پھیلاؤ کو روکنے کے لئے اسمارٹ لاک ڈاؤن  سمیت مؤثر حکمت عملی اپنا رہے ہیں۔

وزیرخارجہ شاہ محمود قریشی نے مزید کہا کہ کورونا  کے دوران عالمی ادارہ صحت کی طرف سے پاکستان کی معاونت کو سراہتے ہیں۔