بھارت کے شہر چندی گڑھ میں نائٹ کرفیو نافذ کرنے کا فیصلہ کیا گیا ہے۔

بھارتی میڈیا کے مطابق چندی گڑھ میں کرفیو رات 10 بجے سے صبح 5 بجے تک جاری رہے گا۔

چنڈی گڑھ انتظامیہ کا کہناہے کہ نائٹ کرفیو کے دوران کسی بھی قسم کے اجتماعات ، پارٹیوں اور غیر ضروری سرگرمیوں وغیرہ کی اجازت نہیں ہوگی۔

بھارتی میڈیا کے مطابق ہفتہ وار کرفیو، تجارتی مراکز اور دیگر ہجوم والی جگہوں پر پابندی کو برقرار رکھا جائے گا تاکہ شہری کورونا وائرس سے بچاؤ کیلئے ایس او پیز پر عملدرآمد کو یقینی بنائیں۔

بھارتی محکمہ صحت کی جانب سے گزشتہ ہفتے جاری کیے جانے والے بیان کے مطابق چندھ گڑھ میں کورونا سے متاثر افراد کی شرح 11 اعشاریہ 2 فیصد تک جاپہنچی ہے جو بھارت میں سب سے زیادہ ہے۔ اس وقت چندی گڑھ میں فعال کورونا کیسز کی تعداد 3062 ہے۔