ترکی میں مکمل لاک ڈاﺅن ، تاریخ کا اعلان کر دیا گیا
کورونا کی تشویش ناک صورتحال کے پیش نظر ترکی میں مکمل لاک ڈاؤن کا اعلان کر دیا گیا ہے۔
بین الاقوامی ذرائع ابلاغ کے مطابق ترک صدر طیب ایردوان نے ملک میں کورونا کیسز میں اضافے پر29 اپریل سے 17 مئی تک لاک ڈاؤن کا اعلان کر دیا ہے۔
ذرائع کے مطابق کابینہ اجلاس میں کورونا کی موجودہ صورتحال پر تفصیلی غور اور جائزے کے بعد مکمل لاک ڈاؤن کے نفاذ کا فیصلہ کیا گیا۔
لاک ڈاؤن کے دوران بین الصوبائی سفر پر بھی پابندی عائد کی گئی ہے۔ ایک صوبے سے دوسرے صوبے میں داخلے کی اجازت نہیں ہوگی۔
ترک صدر کا اس حوالے سے کہنا ہے کہ ہمیں روزانہ کی بنیاد پر کورونا کیسز کو کم کر کے5 ہزار تک کرنا ہے اگر کورونا کیسز کی تعداد کم نہ کی گئی تواس کے منفی نتائج ہماری سیاحت اور تعلیم سمیت ہر شعبہ ہائے زندگی کو شدید متاثر کرینگے۔
ان کا کہنا تھا کہ انٹر سٹی ٹرانسپورٹ بھی پابندی سے مستثنیٰ نہیں ہو گی، شہروں میں چلنے والی بسوں کو اجازت لینا ہو گی۔
ترک صدر نے کہا کہ تمام کاروباری مراکز17مئی تک اپنی سرگرمیاں بند کر دیں البتہ وزارت داخلہ کے سرکلر میں آنےوالے ادارے پابندی سےمستثنیٰ ہونگے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News