وفاقی وزیر اطلاعات و نشریات فواد چوہدری نے کہا ہے کہ تاریخ میں نفرت کی فصل بوئیں گے تو محبت کی ‏فصل نہیں کاٹیں گے۔

تفصیلات کے مطابق وفاقی وزیر اطلاعات فواد چوہدری نے کابینہ اجلاس کے بعد میڈیا سے گفتگوکرتے ہوئے  کہا کہ ہمارا کالعدم تحریک لبیک پاکستان (ٹی ایل پی) سے معاہدہ مکمل ہوگیا، حکومت اور کالعدم ٹی ایل پی کے معاہدے میں ہم نے قرارداد ایوان میں پیش کرنے کی بات کی تھی وہ پوری ہوگئی۔

وفاقی وزیر اطلاعات نے کہا کہ جن پر پرچے درج ہوئے ہیں تو وہ عدالت میں ‏جائیں گے جن پر قتل کے پرچے ہیں ان کو چھوڑ نہیں سکتے پولیس اہلکار شہید ہوئے ان کو بھول ‏جائیں تویہ نہیں ہوسکتا۔

فواد چوہدری نے  یہ بھی کہا کہ شاہدخاقان نےجس طرح اسپیکرسےبات کی مذمت کرتاہوں یہ لوگ ذہنی معیار ‏کےاعتبارسےان عہدوں پر نہیں پہنچے ہیں آپ کو ایوان اور اسپیکر سے بات کرنے کی تمیز نہیں۔

وفاقی وزیر اطلاعات کا کہنا تھا کہ  ‏شاہد خاقان سمیت دیگر کی اسلام نہیں اسلام آباد کیلئے لڑائی ہے انہوں نے ہر طرح حکومت ‏کوگرانے کی کوشش کی انہوں نے پی ڈی ایم کا مصالحہ بیچنے کی کوشش کی۔

فواد چوہدری کا یہ بھی کہنا تھا کہ ہم چاہتے ہیں اپوزیشن ساتھ بیٹھے اصلاحات کی طرف بڑھیں ایسی باتیں کیوں ‏کرتے ہیں جس سے پارلیمنٹ کامذاق بنے۔

وفاقی وزیر اطلاعات فواد چوہدری کا مزید کہنا تھا کہ عمران خان کی حکومت کا عزم ہےپاکستان کو پروگریسو پاکستان بناناہے ‏مدینہ کی ریاست میں اختلاف رائے کو برداشت کیاجاتاتھا یہی وہ ریاست ہےجس کاخواب عمران خان ‏دیکھتے ہیں۔