پاکستان شوبز انڈسٹری کی معروف اداکارہ مرینہ خان بھی عالمی وبا کا شکار ہوگئیں ہیں۔

کورونا وائرس کی تیسری لہر میں شکار ہونے کی اطلاع اداکارہ نے اپنے سوشل میڈیا پیغام میں دی ہے۔

مرینہ خان نے انسٹاگرام اکاؤنٹ پر اپنے مداحوں اور دوستوں کے لیے خصوصی ویڈیو پیغام بھی جاری کیا۔

اداکارہ نے ویڈیو میں بتایا کہ وہ 14 دن تک اپنے کمرے میں اکیلی ہی رہیں گی کیونکہ وہ کورونا وائرس کا شکار ہوگئی ہیں۔

Advertisement

 

Advertisement

Advertisement

View this post on Instagram

Advertisement

Advertisement

Advertisement

 

Advertisement

A post shared by Marina Khan (@therealmarinakhan)

کورونا کے حوالے سے اداکارہ نے بتایا کہ میں نے خود کو بہت بچایا لیکن بدقسمتی سے میرا کورونا ٹیسٹ مثبت آگیا۔

اداکارہ نے کورونا علامات کے بارے میں بتایا کہ مجھے کبھی بخار چڑھتا اور کبھی اُترتا جبکہ سر کا درد اب پہلے سے کم ہوگیا ہے۔

دوسری جانب انہوں نے بتایا کہ میں پہلے کورونا وائرس کو اتنا سنجیدہ نہیں لیتی تھی لیکن میں جب سے وائرس کی شکار ہوئی ہوں تب سے خوفزدہ ہوگئی ہوں۔

اُنہوں نے مزید کہا کہ لوگوں کی باتوں میں نہ آئیں اور کورونا وائرس کو سنجیدہ لیتے ہوئے احتیاطی تدابیر اختیار کریں۔

واضح رہے کہ اس سے قبل بھی پاکستان شوبز انڈسٹری کے کئی فنکار کورونا وائرس کا شکار ہوچکے ہیں۔