پسماندہ علاقوں کی ترقی ہماری اولین ترجیح ہے،وزیراعلیٰ پنجاب

وریشہ مسعود

02nd Apr, 2021. 06:30 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

پسماندہ علاقوں کی ترقی ہماری اولین ترجیح ہے،وزیراعلیٰ پنجاب

وزیراعلیٰ پنجاب سردار عثمان بزدار نے کہا ہے کہ پسماندہ علاقوں کی ترقی ہماری اولین ترجیح ہے۔

تفصیلات کے مطابق وزیراعلیٰ پنجاب سردار عثمان بزدار نے اپنے ایک بیان میں کہا کہ وزیراعظم کے وعدے کے مطابق سیکرٹریٹ کا نوٹیفکیشن جاری کیا، پی ٹی آئی حکومت کا ایجنڈا ہے جنوبی پنجاب کو صوبہ بنائیں گے۔

وزیراعلیٰ پنجاب نے کہا کہ میڈیا پر جنوبی پنجاب سیکرٹریٹ سے متعلق منفی خبریں سامنے آئیں جس کے بعد فوری طور پر اس معاملے پر کمیٹی قائم کردی گئی ہے۔

سردار عثمان بزدار نے یہ بھی کہا کہ جنوبی پنجاب محروم علاقہ ہے وہاں اتنی ترقی نہیں ہوئی، میرا تعلق بھی جنوبی پنجاب سے ہے، پورے پنجاب کو آگے لے کر چل رہے ہیں۔

وزیراعلیٰ پنجاب سردار عثمان بزدار نے مزید کہا کہ جنوبی پنجاب کے بجٹ کو 17 سے بڑھا کر33فیصد کیا، جنوبی پنجاب سیکرٹریٹ کو مزید فعال کیا جائے گا جبکہ تمام محکموں کا دائرہ کار جنوبی پنجاب تک پہنچایا جائے گا۔