مہنگائی سے متعلق ادارہ شماریات کی ہفتہ وار رپورٹ جاری

وریشہ مسعود

16th Apr, 2021. 06:23 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

مہنگائی سے متعلق ادارہ شماریات کی ہفتہ وار رپورٹ جاری

وفاقی ادارہ شماریات کی جانب سے مہنگائی کی ہفتہ وار رپورٹ جاری کردی گئی ہے۔

ادارہ شماریات کی جانب سے جاری ہونے والی رپورٹ کے مطابق ایک ہفتے میں مہنگائی کی شرح 0.54 فیصد بڑھی جس کے بعد ملک میں مہنگائی کی مجموعی شرح 18.89 فیصد پر پہنچ گئی ہے۔

رپورٹ کے مطابق ایک ہفتےکے دوران آٹا، چینی، دالیں، گھی، ٹماٹر، چکن سمیت 22 اشیاء مہنگی ہوئیں جبکہ 7 اشیاء کی قیمتوں میں کمی اور 22 میں استحکام رہا۔

ادارہ شماریات کی رپورٹ میں کہا گیا ہے کہ ایک ہفتے میں 16 اشیاء کی قیمتوں میں اضافہ ہوا جبکہ ایک ہفتے میں 11 اشیاء کی قیمتوں میں کمی اور 24 اشیاء کی قیمتوں میں استحکام رہا۔

رپورٹ میں یہ بھی کہا گیا ہے کہ ایک ہفتے میں 20 کلو آٹے کا تھیلا 26 روپے 9 پیسے مہنگا ہوا جس کے بعد 20کلو آٹے کا تھیلا 988 روپے سے زائد کا ہوگیا۔

رپورٹ کے مطابق ایک ہفتے میں ٹماٹر کی فی کلو قیمت میں 6 روپے 16 پیسے کا اضافہ ریکارڈ کیا گیا جبکہ ایک ہفتے میں کیلے 16 روپے درجن، آلو 3 روپے 17 پیسے فی کلو مہنگے ہوئے۔

ادارہ شماریات کی جانب سے جاری ہونے والی رپورٹ میں مزید کہا گیا ہے کہ بیف 5 روپے فی کلو اور مٹن 7 روپے 28 پیسے فی کلو مہنگا ہوا جبکہ ایک ہفتے میں چاول،زندہ مرغی اور گھی بھی مہنگا ہوا۔