پنجاب حکومت نے رمضان بازاروں میں فی کلو چینی 65 روپے کرنے کا فیصلہ کر لیا ہے۔

تفصیلات کے مطابق پنجاب حکومت نے رمضان بازاروں میں دو کلو چینی کا پیکٹ 130 روپے میں فروخت کرنے کا فیصلہ کیا ہے۔

پنجاب حکومت نے ضلعی انتظامیہ کو مطلوبہ اقدامات کے لئے ہدایات جاری کردیں۔

علاوہ ازیں حکومت پنجاب نے سبزیاں، پھل اور اشیائے خوردو نوش بھی مارکیٹ پرائس کے مقابلے میں 25 فیصد سستی کرنے کا فیصلہ کیا ہے۔

یاد رہے اس سے قبل یوٹیلیٹی اسٹورزکارپوریشن نے رمضان پیکج کا اعلان کر دیا جو 10 اپریل سےنافذ العمل ہوگا ۔

 رمضان پیکج کے تحت چینی، آٹا، دالوں، بیسن اور برانڈڈ مصنوعات کی قیمتیں مقرر کردی گئی ہیں۔

رمضان پیکج کے تحت یوٹیلیٹی اسٹورز پر چینی 68 روپے، گھی 298 اور آٹےکا 20 کلوکا تھیلا 800 روپےمیں ملے گا۔

ذرائع کے مطابق بیسن 20 روپے سستاکرکے 140 روپے اور کھجوریں 20 روپے کمی کے بعد 160 روپے کلو فروخت کی جائیں گی۔

یوٹیلیٹی اسٹورز پردال ماش دُھلی ہوئی 10 روپے کمی کے بعد255 روپے، دال مونگ 10 روپے کمی کے بعد 240 روپےکلو، سرخ مرچ 200 گرام پیکٹ 20 روپے کمی کے بعد 180 روپے، دھنیا پاؤڈر 200 گرام 9 روپے سستا کرکے81 روپے،گرم مصالحہ مکس 50 گرام 6 روپے سستا کرکے 59 روپے،گرم مصالحہ پاؤڈر 7 روپے سستا کرکے 60 روپے میں فروخت کیا جائے گا۔