مسلم لیگ ن کے رہنما شاہد خاقان عباسی کا کہنا ہے کہ میں نے اسپیکر کو جو کہا جذبات میں نہیں بلکہ حقیقت میں کہا ہے۔

تفصیلات کے مطابق پارلیمنٹ ہاؤس میں میڈیا سے گفتگو کرتے ہوئے مسلم لیگ ن کے رہنما اور سابق وزیراعظم شاہد خاقان عباسی نے کہاکہ ایوان بات کرنے کے لیے ہوتا ہے، کوئی بات نہیں کرنے دے گا تو اس کے لیے میرے پاس کوئی عزت نہیں ہے۔

انہوں نے کہاکہ اسپیکر کے نوٹس کا جواب جلد دوں گا۔

واضح رہے کہ گزشتہ دنوں قومی اسمبلی اجلاس کے دوران سابق وزیراعظم شاہد خاقان عباسی اور اسپیکر قومی اسمبلی اسد قیصر کے درمیان تلخ کلامی ہوئی تھی۔

لیگی رہنما نے اسپیکر کے روسٹرم کے سامنے پہنچ کر انہیں جوتا مارنے کی دھمکی دی تھی۔