عمران صاحب نے مان لیا کہ قومی معیشت آئی ایم ایف کے پاس گروی رکھ دی ہے

وریشہ مسعود

04th Apr, 2021. 07:41 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

عمران صاحب نے مان لیا کہ قومی معیشت آئی ایم ایف کے پاس گروی رکھ دی ہے

مسلم لیگ (ن) کی ترجمان مریم اور نگزیب نے کہا ہے کہ عمران صاحب نے مان لیا کہ انہوں نے اسٹیٹ بینک ، قومی معیشت آئی ایم ایف کے پاس گروی رکھ دی ہے۔

تفصیلات کے مطابق اپنے ایک بیان میں مسلم لیگ (ن) کی ترجمان مریم اور نگزیب نے حکومت پر تنقید کرتے ہوئے کہا کہ عمران صاحب نے آج مان لیا کہ وہ آئی ایم ایف کی ڈکٹیشن پر کام کر رہے ہیں۔

مریم اورنگزیب نے کہا کہ عمران خان قرضوں پر لیکچر نہ دیں، اپنے قرض کمیشن کی رپورٹ قوم کے سامنے لائیں۔

مسلم لیگ (ن) کی ترجمان نے کہا کہ عمران صاحب آپ کی یہ بات درست ہے، سارے کرپٹ آپ کے ساتھ ہیں اور آپ ان کے سہولت کار ہیں جبکہ عمران صاحب ہم دن رات آپ کی ”اچھائیاں“ قوم کو بتاتے ہیں، حکومت جو ”اچھائی“ کرتی ہے، فوراً قوم کو بتاتے ہیں۔

مریم اور نگزیب نے یہ بھی کہا کہ عمران خان نے مافیاز، ’اے ٹی ایمز‘، کمیشن خوروں اور کرائے کے ترجمانوں کو استحکام دیا۔

مسلم لیگ (ن) کی ترجمان مریم اور نگزیب نے مزید کہا کہ عمران خان پچھلی حکومتوں نے جو کیا، عوام نے آپ کو ڈسکہ، خوشاب، نوشہرہ، بلوچستان، سندھ ہر جگہ سے اس کا جواب دیا۔