وزیراعظم عمران خان کی سابقہ اہلیہ جمائما گولڈ سمتھ نے کہا ہے کہ عمران کہتا تھا کہ پردہ عورتوں کے نہیں بلکہ مردوں کی آنکھوں پر ڈالنا چاہیے۔

تفصیلات کے مطابق سماجی رابطے کی ویب سائٹ ٹویٹر پر اپنے ایک پیغام میں وزیراعظم عمران خان کی سابقہ اہلیہ جمائما نے ان کے جنسی زیادتی کو فحاشی سے جوڑنے سے متعلق بیان تبصرہ کیا ہے۔

“Say to the believing men that they restrain their eyes and guard their private parts.” Quran 24:31

The onus is on men. https://t.co/StkKE3HIPM

Advertisement

— Jemima Goldsmith (@Jemima_Khan) April 7, 2021

 اپنے پیغام میں جمائما گولڈ سمتھ نے وزیراعظم کے بیان پر مبنی ایک خبر شیئر کی اور اس کے ساتھ قرآن کریم کی ایک آیت کا حوالہ بھی دیا ۔

وزیراعظم عمران خان کی سابقہ اہلیہ جمائما گولڈ سمتھ نے مزید کہا کہ میرا خیال ہے کہ یہ ترجمے کی غلطی ہے یا عمران خان کی بات کو غلط پیش کیا گیا ہے کیونکہ جس عمران کو میں جانتی ہوں وہ کہتا تھا کہ پردہ عورتوں کے نہیں بلکہ مردوں کی آنکھوں پر ڈالنا چاہیے۔

I’m hoping this is a misquote/ mistranslation. The Imran I knew used to say, “Put a veil on the man’s eyes not on the woman.” https://t.co/NekU0QklnL

Advertisement

— Jemima Goldsmith (@Jemima_Khan) April 7, 2021

یاد رہے اس سے قبل وزیر اعظم عمران خان نے اپنے ایک بیان میں کہا تھا کہ اگرچہ ریپ کے بارے میں حکومت نے سخت قوانین بنائے ہیں لیکن ایسے جرائم کے بڑھنے کی وجوہات کو بھی دیکھنا ہوگا اور ان میں سے ایک وجہ فحاشی کا پھیلنا ہے۔

عمران خان کا کہنا تھا کہ ایسے واقعات کو روکنے کے لیے صرف قانون بنانا ہی کافی نہیں ہے بلکہ اس کے لیے پورے معاشرے کو اپنا کردار ادا کرنا ہوگا۔