شیاؤمی کی ذیلی کمپنی ریڈمی نے ریڈمی کے 40 گیمنگ ایڈیشن کے ذریعے مارکیٹ میں پہلا قدم رکھ دیا ہے۔

40 گیمنگ ایڈیشن میں 120 ہرٹز اسکرین ڈسپلے، 480 ہرٹز سیمپلنگ ریٹ، فزیکل شولڈر ٹریگرز اور 5000 ایم اے ایچ بیٹری موجود ہے۔

5000 ایم اے ایچ بیٹری کے ساتھ 67 واٹ فاسٹ چارجنگ سپورٹ موجود ہے جو 42 منٹ میں بیٹری کو مکمل چارج کرنے کی صلاحیت رکھتی ہے۔

ڈیوائس کے اندر میڈیا ٹیک کا ڈیمینسٹی 1200 پراسیسر موجود ہے جس کے ساتھ 6، 8 اور 12 جی بی ریم موجود ہے۔

 جبکہ 128 اور 256 جی بی اسٹوریج کے آپشنز دیئے گئے ہیں۔

اس کے علاوہ فون میں 6.67 انچ کا امولیڈ ڈسپلے دیا گیا ہے جس کے ساتھ ایچ ڈی آر 10 پلس سپورٹ، ڈی سی آئی پی 3 کوریج اور 120 ہرٹز ریفریش ریٹ سپورٹ موجود ہے۔

گیمنگ کے دوران فون کو گرم ہونے سے بچانے کے لیے گرافین، گریفائٹ اور ویپر چیمبر کی مدد لی گئی ہے تاہم کوئی بلٹ ان فین موجود نہیں ہے۔

فون میں 6.67 انچ کا امولیڈ ڈسپلے دیا گیا ہے جس کے ساتھ ایچ ڈی آر 10 پلس سپورٹ، ڈی سی آئی پی 3 کوریج اور 120 ہرٹز ریفریش ریٹ سپورٹ موجود ہے۔

اسی طرح ہائی ریزولوشن آدیو اور ڈولبی ایٹموس سپورٹ بھی فون کا حصہ ہے۔

یہ فون اپریل کے آخر میں چین میں صارفین کو دستیاب ہوگا جس کا 6 جی بی ریم اور 128 جی بی اسٹوریج والا ورژن 1999 یوآن (47 ہزار پاکستانی روپے سے زائد) میں دستیاب ہوگا۔

اسی طرح 8 جی بی ریم اور 128 جی بی اسٹوریج والا ماڈل 2199 یوآن (52 ہزار پاکستانی روپے سے زائد)، 8 جی بی ریم اور 256 جی بی اسٹوریج والا فون (57 ہزار پاکستانی روپے سے زائد) اور 12 جی بی ریم اور 128 جی بی اسٹوریج والا ورژن 2699 یوآن (64 ہزار پاکستانی روپے سے زائد) میں دستیاب ہوگا۔