آئی جی اسلام آباد قاضی جمیل الرحمان کی زیر صدارت اجلاس

کلثوم ہرا

15th Apr, 2021. 11:39 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

آئی جی اسلام آباد قاضی جمیل الرحمان کی زیر صدارت اجلاس

آئی جی اسلام آباد قاضی جمیل الرحمان کی زیر صدارت اعلی سطحی اجلاس ہوا ہے۔

اسلام آباد پولیس ترجمان کے مطابق اجلاس میں امن و امان کی صورتحال کا جائزہ لیا گیا ہے۔

اجلاس میں تمام سینئر افسران کو بہترین کارکردگی پر خراج تحسین پیش کیا گیا ہے اور اس کے ساتھ ساتھ ہی افسران و جوانوں کی کارکردگی کو سراہا ہے۔

اسلام آباد پولیس ترجمان کا کہنا ہے کہ اسلام آباد میں امن وامان کو یقینی بنانے اور ریڈ زون کی سیکورٹی کو مزید سخت کرنے کی ہدایت کر دی گئی ہے۔

اسلام آباد پولیس ترجمان کے مطابق تمام سینئر افسران کو ڈیوٹی پر مامور جوانوں کے ساتھ روزہ افطار کرنے اور راولپنڈی پولیس کے ساتھ مشترکہ سرچ آپریشن کرنے کی ہدایت بھی کردی گئی ہے ۔

آئی جی اسلام آباد نے کہا ہے کہ اسلام آباد میں شہریوں کی جان و مال کی حفاظت کو یقینی بنایا جائے گا اور امن و امان خراب کرنے والوں کے خلاف آہنی ہاتھوں سے نمٹا جائے گا۔

آئی جی اسلام آباد نے مزید کہا کہ شہر کے امن و امان میں خلل ڈالنے والے کسی رعایت کے مستحق نہیں ہیں۔

اجلاس میں تمام ڈی آئی جی آپریشنز، ڈی آئی جی ہیڈکوارٹرز،اے آئی جی اسپیشل برانچ ،ایس ایس پیز، ایڈیشنل ایس پی، زونل ایس پیز نے بھی شرکت کی ہے۔