وزیر ثقافت سندھ سردار شاہ نامور نے ٹوئٹ میں بتایا کہ اداکارہ نائلہ جعفری کا علاج سرکاری خرچے پر کروایا جائے گا۔

گزشتہ روز معدے کے کینسر میں مبتلا پاکستانی اداکارہ نائلہ جعفری نے اپنے علاج کیلئے مالی معاونت کی درخواست کی تھی۔

مزید پڑھیں

پاکستانی نژاد جاپانی عقیل بخاری جاپان میں کک باکسنگ میں مقبول

اٹھائیس سالہ عقیل بخاری جاپان میں مقیم پاکستانی نژاد جاپانی عقیل بخاری...

2 منٹ اور 11 سیکنڈ کے ویڈیو پیغام میں اداکارہ نے کہا تھا کہ حکومت کو اس سلسلے میں کوئی کام جلد از جلد کرنا چاہئے جو مستقبل میں سینئر فنکاروں کیلئے مددگار ثابت ہو۔

سوشل میڈیا پر نائلہ جعفری کا ایک ویڈیو پیغام زیرِ گردش تھا جس میں وہ اسپتال کے بیڈ میں لیٹی ہوئی کہتی ہیں کہ پچھلے 6 سال سے کینسر سے نبرد آزما ہوں اور اب تک دوسری کیموتھراپی نہیں کی جاسکی ہے۔

انہوں نے کہا تھا کہ اس طویل عرصے میں بیماری سے لڑتے ہوئے میں یہی سوچتی رہی ہوں کہ کیا ہی بہتر ہو کہ آپ کی حکومت بھی فنونِ لطیفہ کی خدمت کرنے والے فنکاروں سے متعلق سوچے۔

اداکارہ نے بتایا تھا کہ جب انہوں نے پی ٹی وی پر ڈراموں کا آغاز کیا تھا اس وقت نشرِ مکرر کیے جانے والے ڈراموں پر قلیل رقم ملتی تھی ، لیکن اس رقم کو حاصل کر کے اچھا لگتا تھا اور خوشی ملتی تھی۔

نائلہ جعفری نے کہا تھا کہ اتنے برسوں سے میں یہاں بیمار پڑی ہوئی ہوں، سب نے کافی مدد کی ، جب میں اکیلی تھی تو مجھے سنبھالا۔

انہوں نے تجویز دی کہ اگر دوبارہ سے ان کے ڈراموں کو نشر کیے جانے پر کچھ مالی امداد کردی جائے تو ان کے علاج میں  آسانی ہوجائے گی۔