سندھ حکومت نے صوبہ بھر میں ہفتہ اور اتوار کو مارکیٹیں بند رکھنے کا اعلان کردیا ہے۔
تفصیلات کے مطابق کورونا وائرس کے بڑھتے کیسز کے پیش نظر محکمہ داخلہ سندھ نے صوبہ بھر میں ہفتہ اور اتوار کو مارکیٹیں بند رکھنے کا نیا نوٹیفیکیشن جاری کردیا، نئی پابندیوں کا اطلاق 16 مئی تک نافذ العمل ہوگا۔
نوٹیفیکیشن کے مطابق تجارتی سرگرمیاں اب ہفتہ اور اتوار مکمل بند رہیں گی جبکہ تجارتی مراکز اور مارکیٹوں کے کھلنے کی ٹائمنگ میں بھی تبدیلی کی گئی ہے، مارکیٹیں اور تجارتی مراکز سحری سے شام 6 بجے تک کھلے رہیں گے۔
نوٹیفیکیشن میں کہا گیا ہے کہ صرف ضرورت اشیاء کی دکانیں کھلی رہیں گی جبکہ تمام سیاسی، ثقافتی، سماجی اور کھیلوں کی ہر طرح کی سرگرمیوں پر مکمل طور پر پابندی ہوگی۔
محکمہ داخلہ کی جانب سے جاری نوٹیفیکیشن میں مزید کہا گیا ہے کہ ریسٹورنٹس میں ان ڈور ڈائننگ کی فراہمی پر مکمل پابندی ہوگی جبکہ آؤٹ ڈور کھانوں کی ٹائمنگ افطاری کے بعد سے رات 12 بجے تک ہوگی۔ رات بارہ بجے کے بعد صرف ہوم ڈلیوری اور ٹیک اوے کی اجازت ہوگی۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
