بھارتی اداکار جمی شیرگل کو حراست میں لے لیا گیا

اریبہ نثار

28th Apr, 2021. 10:00 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

بھارتی اداکار جمی شیرگل کو حراست میں لے لیا گیا

بالی ووڈ کے معروف اداکار جمی شیرگل کو کورونا ایس او پیز کی خلاف ورزی کرنے پر گرفتار کر لیا گیا ہے۔

غیر ملکی خبر رساں ادارے کے مطابق پنجاب پولیس نے اداکار جمی شیر گل کو کورونا ایس او پیز کی خلاف ورزی کرنے پر حراست میں لیا ہے۔

اداکار پنجاب کے شہر لدھیانہ کے ایک پرائیوٹ اسکول میں اپنی نئی ویب سیریز ’’یور آرنر ٹو‘‘ کی شوٹنگ میں مصروف تھے کہ اس دوران کسی نے پولیس کو اطلاع دی۔

پولیس نے موقع پر پہنچ کر بھارتی اداکار جمی شیرگل سمیت ویب سیریز کے نیشنل ایوارڈ یافتہ ہدایت کار کو بھی حراست میں لے لیا۔

کورونا ایس اوپیز کی خلاف ورزی کرنے کا مقدمہ درج کرلیا جس میں 35 لوگوں کو نامزد کیا گیا ہے۔

پولیس کے مطابق جمی شیر گل اور ویب سیریز کے ہدایت کار ایشور نواس سمیت 100 سے زائد ممبران کورونا ایس او پیز کو فالو نہیں کررہے تھے۔

واضح رہے 1996 میں فلم ’ماچس‘ سے اپنا کیریئر شروع کرنے والے اداکار جمی شیر گل نے زیادہ تر پنجابی فلموں میں کام کیا اور بالی ووڈ میں ’’محبتیں‘‘، ’’میرے یار کی شادی ہے‘‘، ’’منا بھائی ایم بی بی ایس‘‘ جیسی کامیاب فلموں میں بھی اداکاری کے جوہر پیش کیے۔