اداکار عدنان صدیقی کی عوام سے اپیل

اریبہ نثار

28th Apr, 2021. 11:29 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

اداکار عدنان صدیقی کی عوام سے اپیل

پاکستان شوبز انڈسٹری کے سینئر اداکار عدنان صدیقی نے عوام سے ایس او پیز پر عمل کرنے کی اپیل کردی ہے۔

عدنان صدیقی نے اپنے ٹوئٹر پیغام میں لکھا کہ ہماری قوم نے کورونا وائرس کی وجہ سے گزشتہ ایک روز میں سب سے زیادہ اموات ریکارڈ کی ہیں۔

براہِ کرم! مہلک وائرس کو پھیلنے سے روکنے کیلئے SOPs پر عمل کریں: عدنان صدیقی

واضح رہے کہ سماجی فاصلے، ماسک کو نظر انداز کرنے اور ایس او پیز کی خلاف ورزیوں سے ملک میں کورونا وائرس کی ہلاکت خیزیوں میں تیزی آنے لگی۔

ملک میں کورونا وائرس سے مزید 201 افراد انتقال کر گئے، یہ ملک میں کورونا وائرس سے یومیہ اموات کی سب سے بڑی تعداد ہے۔

پاکستان بھر میں مریضوں اور اموات میں تیزی سے اضافہ جاری ہے، کورونا مریضوں کی تعداد کے حوالے سے مرتب کی گئی فہرست میں ملک 31 ویں نمبر پر ہے۔

ملک بھر میں کورونا وائرس سے انتقال کرنے والوں کی مجموعی تعداد 17 ہزار 530 ہو گئی ہے، جبکہ کُل مریضوں کی تعداد 8 لاکھ 10 ہزار 231 ہو چکی ہے۔

عدنان صدیقی نے کہا کہ میں اس خطرناک صورتحال کو دیکھتے ہوئے عوام سے درخواست کروں گا کہ برائے مہربانی اس مہلک وائرس کو پھیلنے سے روکنے کے لیے ایس او پیز پر عمل کریں۔