واٹس ایپ کی جانب سے آئی فون صارفین کے لیے دو فیچر متعارف

اریبہ نثار

19th Apr, 2021. 06:26 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

واٹس ایپ کی جانب سے آئی فون صارفین کے لیے دو فیچر متعارف

میسیجنگ ایپ واٹس ایپ نے آئی فون صارفین کے لیے دو نئے فیچر متعارف کروادیے ہیں۔

تفصیلات کے مطابق نئی اپ ڈیٹ کے بعدآئی فون iOS ورژن 2.21.71 کے استعمال کنندہ اپنی چیٹ میں آنے والی تصاویر کو کھولے بنا ہی دیکھ سکیں گے۔

تاہم اس نئے فیچر کی مدد سے اب صارف ایک چوکور پری ویو کے بجائے پہلے سے زیادہ بڑے اور نمایاں طریقے سے تصاویر اور ویڈیوز کا پری ویو دیکھ سکیں گے۔

جبکہ دوسرا اہم فیچر’ ڈِس اپیئرنگ میسجز‘ کا ہے جس کا دائرہ اینڈرائیڈ سے آئی فون تک بڑھا دیا گیا ہے۔

نئی اپ ڈیٹ کے بعد گروپ میں شامل تمام ارکان ’ڈِس اپیئرنگ میسج‘ کی ترتیبات تبدیل کر سکتے ہیں۔

اس سے قبل صرف گروپ ایڈمن کوہی اس فیچر کو ایکٹویٹ اور ڈس ایکٹویٹ کرنے کا حق حاصل تھا۔

واٹس ایپ کا ’ ڈِس اپیئرنگ میسج‘ فیچر استعمال کنندہ کو ایسے پیغامات بھیجنے کی اجازت دیتا ہے جو 7 دن بعد خود بخود ہی ڈیلیٹ ہوجاتے ہیں۔

تاہم ان پیغامات کا پری ویو نوٹی فیکیشن میں اس وقت تک ظاہر ہوتا رہے گا جب تک واٹس ایپ کھل نہیں جاتا۔