پاکستان ڈیموکریٹک موومنٹ کے صدر مولانا فضل الرحمان نے کہا ہے کہ حکومت کی غلط پالیسیوں سے اپوزیشن اپنے آپ کو گندا نہیں کرے گی۔
تفصیلات کے مطابق پاکستان ڈیموکریٹک موومنٹ کے صدر مولانا فضل الرحمان نے اپنے ایک انٹرویو میں کہا کہ اپوزیشن بجٹ میں حکومت کا ساتھ دینے کے لیے تیار نہیں ہے۔
پاکستان ڈیموکریٹک موومنٹ کے صدر نے کہا کہ جہانگیر ترین نے الگ گروپ بنا لیا، پی ٹی آئی نے اپنی رہی سہی اکثریت بھی کھودی ہے۔ ہمارے پاس حکومت مخالف تمام آپشنز اب بھی موجود ہیں۔
مولانا فضل الرحمان نے یہ بھی کہا کہ حکومت مخالف تحریک کے لیے ہم نیا لائحہ عمل جاری کریں گے جس میں احتجاجی ریلیاں اور جلسے شامل ہوں گے اور اس سلسلے میں تمام فیصلے پی ڈی ایم کی مشاورت سے کیے جائیں گے۔
پاکستان ڈیموکریٹک موومنٹ کے صدر مولانا فضل الرحمان نے شہباز شریف سے متعلق اپنے بیان میں کہا کہ ان کے جیل سے باہر آنے سے پی ڈی ایم کو تقویت ملے گی۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
