وزیر جیل خانہ جات پنجاب فیاض الحسن چوہان نے کہا ہے کہ شریف خاندان نے ہمیشہ دکھاوے اور ذاتی تشہیر بازی کی بنیاد پر سیاست کی ہے۔
تفصیلات کے مطابق وزیر جیل خانہ جات پنجاب فیاض الحسن چوہان نے شہباز شریف کے بیان پر ردعمل دیتے ہوئے کہا کہ شہباز شریف صاحب! شہادت کی انگلی ہلا ہلا کر مسائل حل نہیں ہوتے۔
وزیر جیل خانہ جات پنجاب نے کہا کہ عشروں تک اقتدار کے مزے لینے کے باوجود شریف خاندان نے انتخابی اصلاحات کو ترجیح نہیں دی، اس کا مقصد انتخابی نظام کی خرابیوں سے فائدہ اٹھا کر اقتدار حاصل کرنا تھا۔
فیاض الحسن چوہان نے یہ بھی کہا کہ ساری دنیا الیکٹرونک الیکٹورل سسٹم کے استعمال کی جانب جا رہی ہے، شہباز شریف جانتے ہیں انتخابی اصلاحات سے شریف خاندان دھاندلی نہیں کر سکے گا۔
وزیر جیل خانہ جات پنجاب فیاض الحسن چوہان نے مزید کہا کہ شفاف انتخابی عمل ہی حقیقی جمہوری عمل کے تسلسل کو یقینی بنا سکتا ہے، وزیر اعظم عمران خان کی قیادت میں پاکستان ترقی یافتہ ممالک کی طرح انتخابی اصلاحات کی طرف گامزن ہے۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
