شاہ محمود قریشی کا ترک وزیر خارجہ سے ٹیلیفونک رابطہ

کلثوم ہرا

11th May, 2021. 10:38 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

شاہ محمود قریشی کا ترک وزیر خارجہ سے ٹیلیفونک رابطہ

وزیر خارجہ شاہ محمود قریشی نے ترک وزیر خارجہ میولوت چاوش اولو سے ٹیلیفونک رابطہ کیا ہے۔

ذرائع کے مطابق ترکی اور پاکستان نے مقبوضہ فلسطین میں اسرائیلی تشدد کا سخت نوٹس لے لیا ہے۔

ذرائع کا کہنا ہے کہ ترک وزیر خارجہ آج فلسطین میں تشدد کی حالیہ لہر پر وزرائے خارجہ کا اجلاس بلانے کی درخواست دیں گے۔

گفتگو کے دوران دونوں وزرائے خارجہ نے فلسطین کی حالیہ صورتحال پر اسلامی سربراہی کانفرنس کا اجلاس بلانے پر بھی اتفاق کیا ہے۔

ذرائع نے کہا کہ کورونا وباء کے باعث او آئی سی کا اجلاس مجازی طور پر یا ویڈیو کانفرنسنگ کے ذریعے منعقد کرنے پرغور جاری کیا ہے۔

ذرائع کا کہنا تھا کہ پاکستان اور ترکی فلسطینیوں کے حق اور اسرائیل کے خلاف قرارداد پیش کریں گے اور اجلاس میں ترکی, پاکستان, آزربائیجان, قطر,ایران, سعودی عرب، شام,کویت, انڈونیشیا, تیونس اور ملائشیا سمیت دیگر ممالک اسرائیل پر تشدد روکنے کے لئے دباو ڈالیں گے۔

ذرائع نے یہ بھی کہا کہ اسرائیل کے فلسطینیوں کے خلاف مظالم کی بھر پور مذمت کی جائے گی۔

ذرائع کا مزید کہنا تھا کہ دوسری جانب تیونس نے فلسطینیوں پر اسرائیلی تشدد کے خلاف اقوام متحدہ کی جنرل اسمبلی کا اجلاس طلب کرنے کا مطالبہ بھی کر دیا ہے۔