وزیرخارجہ شاہ محمود قریشی کی جانب سے دہشت گردی کے واقعات میں ایف سی جوانوں کی شہادت پر اظہار افسوس کیا گیا ہے۔
وزیر خارجہ مخدوم شاہ محمود قریشی نے کوئٹہ اور تربت میں دہشت گردی کے واقعات کی شدید مذمت کرتے ہوئے کہا ہے کہ دشمن نے بلوچستان کے امن کو تہہ و بالا کرنے کی ناکام کوشش کی ہے۔
وزیر خارجہ کا کہنا تھا کہ ہم ملک کی حفاظت اور فرائض کی ادائیگی میں اپنی قیمتی جانوں کا نذرانہ پیش کرنے والے شہداء کو خراج تحسین پیش کرتے ہیں ۔
انہوں نے کہا ہے کہ دہشتگردی کے خلاف جنگ میں پوری قوم اپنی سیکورٹی فورسز کے ساتھ شانہ بشانہ کھڑی ہے ۔
وزیر خارجہ نے شہداء کے اہل خانہ اور لواحقین کے ساتھ اظہار تعزیت کرتے ہوئے شہداء کیلئے درجات کی بلندی اور زخمیوں کی جلد صحت یابی کیلئے دعا کی ہے۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
