حکومت نے اساتذہ اور تعلیمی اداروں کے اسٹاف کے لئے الگ ویکسینیشن سینٹر بنانے کا فیصلہ کرلیا ہے۔
تفصیلات کے مطابق اساتذہ اور معاون اسٹاف کے لئے ملک بھر کی تمام تحصیلوں میں خصوصی ویکسینیشن سینٹر قائم کیے جائیں گے جبکہ ملک بھر کے تمام ویکسینیشن سینٹرز پر اساتذہ کے لئے الگ کاؤنٹر بھی مختص کیا جائے گا۔
وزارت صحت کے مطابق 18 سال سے زائد عمر کے اساتذہ اور اسٹاف کو واک ان سہولت دے دی گئی ہے، نیشنل کمانڈ اینڈ آپریشن سینٹر ( این سی او سی ) نے 5 جون تک اساتذہ کی ویکسی نیشن مکمل کرنے کی ہدایت کی ہے۔
واضح رہے اس سے قبل این سی او سی کی جانب سے جاری اعلامیے کے مطابق وفاقی وزیر منصوبہ بندی اسد عمر اور نیشنل کوآرڈینیٹر لیفٹیننٹ جنرل حمودالزمان کی زیر صدارت ویکسینیشن کے عمل کا جائزہ لینے کے لئے اجلاس ہوا تھا جس میں معاون خصوصی صحت ڈاکٹر فیصل سلطان نے بذریعہ ویڈیو لنک شرکت کی تھی۔
نیشنل کمانڈ اینڈ آپریشن سینٹر (این سی او سی) نے تعلیمی اداروں میں اسٹاف کے لئے کووڈ-19 ویکسین لگوانا لازمی قرار دی ہے۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
