پاکستان شوبز انڈسٹری کی ہر دل عزیز اداکارہ نے بچوں کے حوالے سے اپنی خواہش کا اظہار کر دیا ہے۔

اداکارہ سارہ خان نے بتایا کہ جڑواں بچوں کی خواہش مند ہوں اور یہ خواہش مجھے شادی سے پہلے سے ہے۔

سارہ خان حال ہی میں اداکارہ منشا پاشا کے ہمراہ نجی ٹی وی چینل کے پروگرام میں شریک ہوئیں۔

پروگرام میں میزبان نے سارہ خان سے حاملہ ہونے کی وائرل خبروں سے متعلق سوال کیا۔جس پر سارہ خان کا کہنا تھا کہ ہم نے ایسی خبر شیئر نہیں کی ہے۔

اداکارہ سارہ خان نے بتایا کہ اس حوالے سے جب میں خود بات کرنا چاہوں گی تو زیادہ ٹھیک ہوگا۔

سارہ خان نے بتایا کہ والدین سے متعلق پوسٹ بلا مقصد شیئر کی گئی تھی۔

اس حوالے سے اداکارہ کا کہنا تھا کہ فلک میرا اب بہت خیال رکھتے ہیں۔

اداکارہ نے مزید بتایا کہ فلک ہر وقت میرے لیے کچھ بھی کھانے پینے کے لیے لے آتے ہیں کیوں کہ مجھے کھانے پینے کا بہت شوق ہے اور فلک کو مجھے کھلانے کا شوق ہے۔

سارہ خان نے بتایا کہ انہیں شادی سے پہلے سے جڑواں بچوں خواہش ہے لیکن اولاد ﷲ کی دین ہے، جو بھی ہو چاہے لڑکی یا لڑکا، بس دعا ہے کہ صحت مند ہو۔

واضح رہے کہ گزشتہ سال 17 جولائی کو اداکارہ سارہ خان اور گلوکار فلک شبیر رشتہ ٔ ازدواج میں منسلک ہوئے تھے۔