نااہل لیگ نے ماضی میں اداروں کو کرپشن کیلئے استعمال کیا، ڈاکٹر شہباز گِل

کلثوم ہرا

08th May, 2021. 06:26 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

نااہل لیگ نے ماضی میں اداروں کو کرپشن کیلئے استعمال کیا، ڈاکٹر شہباز گِل

معاون خصوصی برائے سیاسی ابلاغ ڈاکٹر شہباز گِل نے کہا ہے کہ نااہل لیگ نے ماضی میں اداروں کو کرپشن اور سیاست کے لئے استعمال کیا ہے۔

تفصیلات کے مطابق معاون خصوصی برائے سیاسی ابلاغ ڈاکٹر شہباز گِل نے مریم اورنگزیب کے بیان پر ردعمل دیتے ہوئے کہا کہ چھوٹے میاں بڑے بھائی کے نقش قدم پر چلتے ہوئے اشتہاری کہلانے کے بہت قریب ہیں۔

شہباز گِل نے کہا کہ تقریباً 40 سال تک ملک پر مسلط رہنے والے اپنے علاج کے لئے ایک اسپتال نہیں بنا سکے۔

انہوں نے کہا کہ اپنے دورِ حکومت میں علاج کے نام پر عوام کا پیسہ ہڑپنے والے اب علاج کے نام پر راہ فرار کی تلاش میں ہیں۔

شہباز گِل کا کہنا تھا کہ کیمپ آفسسز اور میڈیکل کے نام پر شہباز شریف نے سرکاری خزانے سے 8 ارب 73 کروڑ خرچ کیے ہیں جبکہ 26 ملین ڈالرز کی منی لانڈرنگ کرنے والے شہباز شریف معصوم نہیں قومی مجرم ہیں۔

انہوں نے یہ بھی کہا کہ مریم اورنگزیب کا حافظہ آلِ شریف کی منی ٹریل کی طرح ناقص اور کمزور ہے۔

معاون خصوصی برائے سیاسی ابلاغ ڈاکٹر شہباز گِل کا مزید کہنا تھا کہ چھوٹے میاں نے 10 سالوں میں ملک کا دیوالیہ کر کے ذاتی اثاثے 85 فیصد بڑھائے ہیں۔