معاون خصوصی برائے سیاسی ابلاغ کا بلاول زرداری کے بیان پر ردعمل

اسفا سروت

26th May, 2021. 07:05 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

معاون خصوصی برائے سیاسی ابلاغ کا بلاول زرداری کے بیان پر ردعمل

معاون خصوصی برائے سیاسی ابلاغ ڈاکٹر شہبازگِل کا بلاول زرداری کے بیان پرردعمل دیا۔

تفصیلات کے مطابق ڈاکٹر شہبازگِل نے کہا کہ معاشی محاذ پرکامیابی سے پرچی چیئرمین کی بوکھلاہٹ کا شکارہیں۔ پرچی چیئرمین قوم کی لوٹی گئی دولت کی رکھوالی پرمامورہے۔

انہوں نے کہا کہ آئی ایم ایف سے 6 مرتبہ ڈیل کر کے حاصل شدہ رقم لوٹنے والے آج بیان بازی کررہے ہیں، آصف زرداری، گیلانی اور دیگر کے خلاف جعلی اکاؤنٹس کیسز کے 14 ریفرنس ہیں۔

ڈاکٹر شہبازگِل نے مزید کہا کہ جعلی اکاؤنٹس کیس میں زرداری اینڈ کمپنی کی پلی بارگین بدعنوانی کا کھلا ثبوت ہے، نیب نے زرداری اینڈ کمپنی سے پلی بارگین میں 23 ارب 85 کروڑ روپے وصول کیے۔

انہوں نے مزید کہا کہ ایک طرف والد پلی بارگین جبکہ بیٹا بھاشن بازی میں مصروف ہے،14 سال سے سندھ پر مسلط ٹولے نے عوام کو بنیادی سہولیات سے بھی محروم رکھا، بدین سمیت پورے سندھ کے حقوق پر ڈاکا ڈالنے والے بلاول ہاؤس میں موجود ہیں۔

معاون خصوصی برائے سیاسی ابلاغ ڈاکٹر شہبازگِل نے یہ بھی کہا کہ بلاول بیانات کے بجائے سندھ میں بھوک سے مرتے بچوں کو بچانے پر توجہ دیں ۔

انہوں نے مزید یہ بھی کہا کہ اندرونِ سندھ ڈاکوؤں کے ہاتھوں پولیس آفیسرزکی ہلاکت پیپلزپارٹی کی نااہلی کا ثبوت ہے۔