بھارت کے مشہور میوزک شو ’انڈین آئیڈل‘ کا راز فاش ہو گیا ہے۔

غیر ملکی خبر رساں ادارے کے مطابق بھارتی میوزک شو ’انڈین آئیڈل‘ کا 12 واں سیزن جاری ہے جس میں ججز کے فرائض گلوکار و موسیقار ہمیشن ریشمیا، انو ملک اور گلوکارہ نیہا ککڑ ادا کررہی ہیں۔

گزشتہ ہفتے اس شو میں کشور کمار کو خراج تحسین پیش کرنے کے لیے100 گیت گائے گئے تھے۔

This is what is going on my mind #indianidol #IndianIdol2021 pic.twitter.com/QSBnFxH3O1

Advertisement

— Aparna Subramanyam (@drapy88) May 9, 2021

شو کی کشور دا قسط میں شرکاء نے 100 گانے گاکر ریکارڈ قائم کیا تھا اور شو کی اس قسط کے مہمان کشور کمار کے بیٹے امیت کمار تھے۔

تاہم سوشل میڈیا صارفین نے اس قسط کو آڑے ہاتھوں لے  لیا ہے۔

اس قسط کے حوالے سے کشور کمار کے بیٹے امیت کمار نے شو کا بھانڈا پھوڑ دیا ہے اور اپنے انٹرویو میں بتایا کہ مجھے معلوم ہے کہ لوگ کشور دا قسط پر سخت غصہ ہیں۔

انہوں نے انٹرویوں میں کہا کہ سچ یہ ہے کہ کوئی بھی کشور کمار کی طرح نہیں گا سکتا ہے۔

#indianidol #IndianIdol2021

Indian Idol audience
Then Now pic.twitter.com/SiMmwmhsC6

— priyanka (@_pri_yanka) May 8, 2021

تاہم انہوں نے بتایا کہ میں نے وہی کیا جو شو کے منتظمین نے مجھ سے کہا تھا، مجھے کہا گیا تھا کہ سب گانے والوں کی تعریف کرنی ہے اور جو جیسا بھی گائے اس کو بڑھاوا دینا ہے کیونکہ یہ کشور کمار کو خراج تحسین پیش کررہے ہیں۔

انہوں نے کہا کہ پھر میں نے وہی کیا جو مجھے کہا گیا تھا۔

امیت کمار نے مزید کہا کہ شو کی انتظامیہ سے میں نے پروگرام میں شرکت کے جتنے بھی پیسے مانگے انہوں نے مجھے دیے۔

انٹرویوں کےاختتام میں انہوں نے کہا کہ اگلی بار کشور جیسے لیجنڈ کو اس طرح خراج تحسین مت پیش کیجیے گا جبکہ میرے خیال سے اس قسط کو نشر نہیں ہونا چاہیے۔