کراچی کے مختلف علاقوں میں غیر اعلانیہ لوڈشیڈنگ کا سلسلہ شروع کردیا گیا

اسفا سروت

29th May, 2021. 06:35 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

کراچی کے مختلف علاقوں میں غیر اعلانیہ لوڈشیڈنگ کا سلسلہ شروع کردیا گیا

کراچی کے مختلف رہائشی علاقوں میں غیر اعلانیہ لوڈشیڈنگ کا سلسلہ شروع کردیا گیا ہے۔

تفصیلات کے مطابق گرمی کی شدت کے باعث بجلی کی طلب 3200 میگاواٹ تک پہنچ گئی ہے۔ لوڈشیڈنگ سے مثتثنی علاقوں میں بھی 4 سے 6 گھنٹے کی لوڈشیڈنگ کی جا رہی ہے،اس غیر اعلانیہ لوڈ شیڈنگ سے نارتھ کراچی، نیو کراچی، گلشن اقبال، پی آئی بی کالونی، ملیر، کورنگی اور لیاری کے علاقے سب سے زیادہ متاثر ہو رہے ہیں۔

ذرائع کے مطابق کے ای کا کہنا ہے کہ کراچی کو 3000 میگاواٹ سے زائد بجلی فراہم کی جارہی ہے جبکہ کے الیکٹرک کو نیشنل گرڈ سے 1100 میگاواٹ بجلی مل رہی ہے ۔

ترجمان کے ای کا دعویٰ ہے کہ کے الیکٹرک کے جنریشن پلانٹس سے 1100 میگاواٹ بجلی حاصل کی جا رہی ہے اور نجی پاور پلانٹس سے 220 میگاواٹ بجلی حاصل ہو رہی ہے۔

انہوں نے مزید کہا کہ بجلی کی طلب و رسد میں فرق 780 میگاواٹ تک پہنچ گیا ہے۔

ترجمان کے الیکٹرک نے بجلی کی عدم فراہمی کی وجہ بجلی چوری اور کنڈوں پر ڈال دی ہے۔