پاکستان شوبز انڈسٹری معروف اداکار اور میزبان یاسر حسین نے صفِ اول اداکارہ ماہرہ خان پر تنقید کرنے والوں کو کھری کھری سُنادی ہے۔

گزشتہ دنوں ماہرہ خان نے کراچی پریس کلب پر فلسطین کے ساتھ اظہارِ یکجہتی کے لیے ہونے والے مظاہرے میں شرکت کی تھی۔

مظاہرے میں ماہرہ خان قمیص شلوار میں ملبوس تھیں تاہم اُنہوں نے دوپٹہ نہیں لیا ہوا تھا۔

سوشل میڈیا پر مظاہرے کی تصاویر جیسے ہی وائرل ہوئی تو اُس میں کچھ صارفین نے فلسطین کے ساتھ اظہارِ یکجہتی کے لیے ہونے والے مظاہرے میں ماہرہ خان کی شرکت کو سراہا تو وہیں ناقدین نے اداکارہ پر تنقید کے خوب تیر بھی برسائے۔

سوشل میڈیا صارفین نے ماہرہ خان کے لباس پر تنقید کرتے ہوئے کہا کہ اداکارہ مظاہرے میں شرکت کرنے آئی تھیں لیکن اُن کا دوپٹہ کہاں تھا؟ اُنہوں نے دوپٹہ کیوں نہیں پہنا؟

ماہرہ خان صارفین کی تنقید پر کوئی ردے عمل نہیں دیا تاہم  اداکار یاسر حسین اُن کا ساتھ دینے میدان میں آگئے۔

یاسر حسین نے فوٹو اینڈ ویڈیو شیئرنگ ایپ انسٹاگرام اکاؤنٹ پر خصوصی اسٹوری شیئر کی ہے۔

یاسر حسین نے انسٹاگرام اسٹوری میں کہا کہ اب کیا ماہرہ خان مئی کی اس شدید گرمی میں دوپٹہ بھی لے؟

اداکار نے شدید غصے کا اظہار کرتے ہوئے کہا کہ بھئی! لباس کو ایک طرف رکھ کر جو اصل مسئلہ(فلسطین کا مسئلہ) ہے اُس پر بات کرو۔

یاسر حسین نے مزید کہا کہ خُدا کا خوف کرو۔

واضح رہے کہ یاسر حسین اپنے ہاتھ کی سرجری کی وجہ سے  فلسطین کے ساتھ اظہارِ یکجہتی کے لیے ہونے والے مظاہرے میں شرکت نہیں کرسکے تھے۔