کیا آپ جانتے ہیں کہ شادی شدہ زندگی کو کامیاب بنانے کے پیچھے کیا راز چھپا ہوتا ہے؟

ایک تحقیق کے مطابق شریک حیات اگر آپ کا دوست ہو زدواجی زندگی کو زیادہ خوش باش بنایا جا سکتا ہے۔

تحقیق میں ایسے جوڑوں کو شامل کیا گیا تھا جو 15 سال سے ایک ساتھ خوش باش زندگی گزار رہے تھے۔

کامیاب شادی شدہ گزارے جانے والی زندگی سے متعلق تحقیق میں جوڑوں سے کامیابی کے راز کے بارے میں سوال کیا گیا جس پر اکثر نے جواب دیا کہ ان کا شریک حیات ان کا بہترین دوست بھی ہے۔

جبکہ کچھ نے یہ جواب دیا کہ شریک حیات کو ایک انسان کے طور پر پسند کرتے ہیں۔

یاد رہے شریک حیات سے گہری اور مستحکم دوستی نہ صرف زندگی کو خوش باش بناتی ہے بلکہ اس سے جذباتی، جسمانی اور ذہنی صحت بھی بہتر ہوتی ہے۔

اس کے علاوہ تحقیق میں بتایا گیا کہ دوستی پر مبنی محبت، قربت کا احساس اور مشترکہ مفادات جوڑوں کا اطمینان بڑھاتا ہے۔

جبکہ جوڑوں میں اچھی دوستی انہیں ایک دوسرے سے قریب لاتی ہے اور وہ زندگی میں زیادہ اطمینان محسوس کرتے ہیں۔

دوسری جانب تحقیق میں یہ بھی بتایا گیا کہ اپنے بہترین دوست سے شادی کرنے سے مردوں کے مقابلے میں خواتین کو زیادہ فائدہ ہوتا ہے۔

لیکن خیال رہے کیونکہ تحقیق میں یہ بھی بتایا گیا کہ اوسطاً مردوں کے مقابلے میں بہت کم خواتین شریک حیات کو اپنا بہترین دوست تصور کرتی ہیں۔