کاروباری ہفتے کے پہلے روز کاروبار کے اختتام پر پاکستان اسٹاک ایکسچینج میں مثبت رجحان ریکارڈ کیا گیا ہے۔

تفصیلات کے مطابق پاکستان اسٹاک ایکسچینج میں کاروبار کے اختتام پر 100 انڈیکس میں 621 پوائنٹس کا اضافہ ریکارڈ کیا ہے۔

پاکستان اسٹاک ایکسچینج  کا 100 انڈیکس 621 پوائنٹس اضافے سے 45ہزار 796 پوائنٹس پر بند ہوا۔

کاروباری دن میں انڈیکس کی بلند ترین سطح 45807 رہی، بازار میں آج 43 کروڑ شیئرز کے سودے ہوئے، شیئرز بازار کے کاروبار کی مالیت 20 ارب 32 کروڑ روپے رہی۔

دوسری جانب انٹر بینک میں ڈالر کی قیمت میں کاروباری ہفتے کے پہلے روز اضافہ ریکارڈ کی گئی ہے۔

اسٹیٹ بینک آف پاکستان کی جانب سے جاری کردہ اعداد و شمار کے مطابق انٹربینک میں ڈالر کی قدر میں 32 پیسے کا اضافہ ہوا ہے۔

فاریکس ڈیلرز کے مطابق انٹربینک میں ڈالر 152.28 سے کم ہو کر  152.60 روپے پر بند ہوا ہے۔

علاوہ ازیں آل پاکستان جیولرز مینوفیکچررز ایسوسی ایشن کی جانب سے جاری کردہ اعداد و شمار کے مطابق ملک بھر میں سونے کی فی تولہ قیمت 450 روپے اضافے کے بعد 1 لاکھ 6 ہزار 450 روپے ہوگئی ہے جبکہ 10 گرام سونے کی قیمت 386 روپے اضافے کے بعد 91 ہزار 264 روپے ہوگئی ہے۔