آرمی چیف جنرل قمر جاوید باجوہ نے کہا ہے کہ پولیو کا خاتمہ ہمارا قومی مقصد اور قومی کوشش ہے۔
پاک فوج کے شعبہ تعلقات عامہ (آئی ایس پی آر) کی جانب سے جاری کردہ بیان کے مطابق آرمی چیف جنرل قمر جاوید باجوہ کا بل گیٹس سے ٹیلیفونک رابطہ ہوا۔
آئی ایس پی آر کا کہنا ہے کہ آرمی چیف اور بل گیٹس کے درمیان ٹیلیفونک رابطے میں پاکستان سے پولیو اور کورونا وائرس کے خاتمے سے متعلق امور پر تبادلہ خیال کیا گیا۔
آئی ایس پی آر کا یہ بھی کہنا ہے کہ انسداد پولیو مہم چلانے پر بل گیٹس نے پاک فوج کے کردار کو سراہا۔
آئی ایس پی آر کا کہنا ہے کہ ٹیلیفونک رابطے میں آرمی چیف نے انسداد پولیو مہم میں بل اینڈ ملینڈا گیٹس فاؤنڈیشن کے کردار کی تعریف کی۔
Advertisement
اس موقع پر آرمی چیف جنرل قمر جاوید باجوہ نے کہا کہ انسداد پولیو مہم میں کامیابی کا سہرا پولیو ورکرز کے سر ہے۔
آرمی چیف جنرل قمر جاوید باجوہ نے مزید کہا کہ پولیو کا خاتمہ ہمارا قومی مقصد اور قومی کوشش ہے، ہم تب ہی اسے کامیابی قرار دیں گے جب پاکستان میں ایک بھی بچہ پولیو کا شکار نہ ہو۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
