پاکستان ویکسینیشن میں دیگر ممالک سے سب سے پیچھے ہے، سراج الحق

کلثوم ہرا

01st May, 2021. 09:27 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

پاکستان ویکسینیشن میں دیگر ممالک سے سب سے پیچھے ہے، سراج الحق

امیرجماعت اسلامی سراج الحق نے کہا ہے کہ پاکستان ویکسینیشن میں دیگر ممالک سے پیچھے ہے۔

تفصیلات کے مطابق امیرجماعت اسلامی سراج الحق نے اپنے ایک بیان میں کہا کہ حکومت کسی بڑی آزمائش سے بچنے کے لئے آکسیجن کی سپلائی کا موثرانتظام کرے۔

سراج الحق نے کہا کہ ویکسینیشن کے عمل سے جلد از جلد گزرنے کے علاوہ کوئی چارہ نہیں ہے۔

سراج الحق کا کہنا تھا کہ کورونا سے متاثرہ افراد کو ریلیف دینے سے متعلق حکومت کے اقدامات غیر موثر ہیں۔

انہوں نے کہا کہ حکومتی وسائل کو بروئے کار لا کر مفت ویکسینیشن بہت دشوار اور طویل مرحلہ ہے۔

سراج الحق نے یہ بھی کہا کہ ہیلتھ سیکٹرز اور این جی اوز کو اعتماد میں لے کر ویکسینیشن میں آسانی پیدا کی جا سکتی ہے۔

سراج الحق نے کہا کہ الخدمت فاؤنڈیشن نے وباء کے دوران قوم کی بھرپور خدمت کر کے ایک مثال قائم کی ہے ،الخدمت فاؤنڈیشن کے رضاکار اور جماعت اسلامی کے کارکنان کو خراج تحسین پیش کرتا ہوں۔

سراج الحق کا کہنا تھا کہ حکومت فوری طور پر آکسیجن سلنڈر، پلز آکسی میٹر اور آکسیجن جنریٹر سپلائیرز کی فراہمی موثر بنائے۔

امیرجماعت اسلامی سراج الحق کا مزید کہنا تھا کہ ملک بھر میں اب تک ایک فیصد لوگوں کو بھی ویکسینیشن کی سہولت میسر نہیں آئی ہے۔