وزیر خارجہ شاہ محمود قریشی نے کہا ہے کہ پاکستان ماحولیاتی تبدیلی سے متاثرہ 10ممالک میں شامل ہے۔

تفصیلات کے مطابق وزیر خارجہ شاہ محمود قریشی نے ماحولیات کی تقریب سے خطاب میں کہا کہ اپنے ہمسایہ ممالک کے ساتھ امن چاہتے ہیں، وزیراعظم نے ہمیشہ ماحولیات کے تحفظ کی بات اور اقدامات کئے۔

شاہ محمود قریشی نے کہا کہ وزارت خارجہ کا کام پڑوسی ملکوں سےمل کر امن قائم کرنا ہے، دنیا بھر میں ماحولیاتی تبدیلیاں اہمیت کی حامل ہیں۔

وزیر خارجہ نے یہ بھی کہا کہ پاکستان کے لوگوں کو سمجھنا چاہیے کہ ہمارا ملک ماحولیاتی تبدیلی کی زد میں آچکا ہے اب ہم بحران کی جانب بڑھ رہے ہیں ہمیں ایسے اقدامات لینے ہیں جن سے ہم آلودگی سے اس ملک کو محفوط کر سکیں۔

شاہ محمود قریشی کا کہنا تھا کہ ہمیں ایسے اقدامات لینے ہیں جن سے ہم آلودگی سے اس ملک کو محفوط کر سکیں ماحولیات کے حوالے سے ہماری کوشیشوں کو عالمی سطح پر تسلیم اور سراہا جا رہا ہے۔

وزیر خارجہ کا یہ بھی کہنا تھا کہ وزیراعظم پاکستان کی مستقبل کی نسل کو بہتر قدرتی ماحول دینا چاہتے ہیں۔

شاہ محمود قریشی نے کہا کہ دنیا بھر بالخصوص پاکستان میں ماحولیاتی تبدیلیاں اہم ہیں۔

وزیر خارجہ شاہ محمود قریشی نے مزید کہا کہ وزیر اعظم عمران خان نے کے پی کے مین بلین ٹری سونامی سے اس اقدام کا آغاز کیا اور اب ہم بلین ٹری سونامی کے بعد 10 ارب ٹری سونامی شروع کرنے جا رہے ہیں۔