پاکستان کی نمبر ون ٹک ٹاک اسٹار جنت مرزا نے کہا کہ  یہ تمام خبریں جھوٹی ہیں کہ ٹک ٹاک بناتے ہوئے کوئی مرگیا ہے۔

جنت مرزا نے اپنے انٹرویو کے دوران ایک اہم انکشاف کرتے ہوئے کہا کہ ’مختصر ویڈیو شیئرنگ ایپ ٹک ٹاک کی اپنی ایس او پیز ہیں، جن کی خلاف ورزی نہیں کی جاسکتی۔‘

جنت مرزا نے نجی ٹی وی سے گفتگو کرتے ہوئے کہا کہ  اس پلیٹ فارم کے اپنے قوانین ہیں جن کی خلاف ورزی نہیں کی جاسکتی جیسے ٹک ٹاک کے ایس او پیز ہیں جن کے تحت آپ ویڈیو میں پستول نہیں دکھا سکتے۔

جنت مرزا نے بتایا کہ ہم اصل پستول کی جگہ ہاتھ کی انگلیوں سے پستول کی طرح اشارہ کرلیتے ہیں، تو یہ سب کہ جان کا چلے جانا، ٹرین کے نیچے آکے مرجانا یہ سب جھوٹ اور بے بنیاد ہے کیونکہ وہ شخص ایس او پیز کے مطابق ایسی ویڈیوز پوسٹ کر ہی نہیں سکتا۔

جنت کے اس بیان سے متعلق کچھ مداح متفق اور کچھ ناراض نظر آئے اور مداحوں کی اکثریت نے ان کے بیان کو درست قرار دیا جب کہ کچھ لوگوں نے اپنے واقعات شیئر کرتے ہوئے انہیں مضحکہ خیز ٹھہرایا۔

دوسری جانب ایک سوال کے جواب میں جنت مرزا نے کہا کہ ٹک ٹاک پر پابندی لگانا بہت غلط ہے کیونکہ اس کی وجہ سے ناصرف ہماری محنت ضائع ہوتی ہے بلکہ ہزاروں لوگوں کا روزگار بھی بند ہوجاتا ہے۔

ٹک ٹاک اسٹار نے کہا کہ اس پلیٹ فارم کی وجہ سے کئی گھروں کے روزگار چل رہے ہیں اور جب اس پر پابندی لگا دی جاتی ہے تو ہزاروں کی تعداد میں افراد بےروزگار ہوجاتے ہیں۔