وزیراعلیٰ سندھ سید مراد علی شاہ  نے کہا ہے کہ گزشتہ 24 گھنٹوں میں مزید 911 نئے کیسز رپورٹ ہوئے ہیں۔

تفصیلات کے مطابق وزیراعلیٰ سندھ سید مراد علی شاہ نے کورونا وائرس کی صورتحال سے متعلق بیان دیا ہے۔

وزیراعلیٰ سندھ نے کہا کہ گزشتہ 24 گھنٹوں میں 13079 نمونوں کی جانچ کی گئی ہے۔

انہوں نے کہا کہ گزشتہ 24 گھنٹوں میں 4 اموات رپورٹ ہوئی ہیں جبکہ اموات کی مجموعی تعداد 4726 ہوچکی ہے۔

سید مراد علی کا کہنا تھا کہ آج مزید 676 مریض صحتیاب ہوئے ہیں جبکہ صحتیاب افراد کی مجموعی تعداد 269234 ہوچکی ہے۔

وزیراعلیٰ سندھ نے یہ بھی کہا کہ اب تک 3752576 نمونوں کی جانچ کی جا چکی ہے اور اب تک 291667 کیسز رپورٹ ہوچکے ہیں۔

سید مراد علی شاہ کا کہنا تھا کہ اس وقت 17707 مریض زیر علاج ہیں جن میں 17063 گھروں میں اور 644 مریض مختلف اسپتالوں میں زیر علاج ہیں

انہوں نے یہ بھی کہا کہ 608 مریضوں کی حالت تشویشناک بتائی گئی ہے جبکہ 52 مریض وینٹیلیٹرز پر ہیں۔

وزیراعلیٰ سندھ کا کہنا تھا کہ صوبے کے 911 نئے کیسز میں سے 588 کا تعلق کراچی سے ہے۔

وزیراعلیٰ سندھ سید مراد علی شاہ  کا مزید کہنا تھا کہ اس وقت ضلع شرقی 229 ،ضلع جنوبی  129، ضلع وسطی 81 ،ملیر 94 اور  کورنگی میں 44 نئے کیسز رپورٹ ہوئے ہیں جبکہ حیدرآباد  136، بدین 36  ،لاڑکانہ 29، میرپور خاص 12، جیکب آباد اور سکھر 10۔10،خیرپور 9، دادو 8،کشمور اور نوشہرو فیروز4۔4، عمر کوٹ 3، قمبر 2 ، جامشورو، شکارپور، ٹنڈو محمد خان اور مٹیاری میں سے 1۔1 نئے کیسز سامنے آئے ہیں۔