پاکستان تحریک انصاف(پی ٹی آئی) کے رہنما حلیم عادل شیخ نے کہا ہے کہ سندھ حکومت غریب عوام کا پانی چوری کررہی ہے۔

تفصیلات کے مطابق پاکستان تحریک انصاف(پی ٹی آئی) کے رہنما حلیم عادل شیخ نے پریس کانفرنس کرتے ہوئے کہا کہ سندھ حکومت نے صوبے میں پانی کی تقسیم کم کی ہے۔

حلیم عادل شیخ نے کہا کہ پانی کے معاملے کو ٹیکنیکل مسئلے سے زیادہ سیاسی مسئلہ بنادیا ہے، سندھ نے 4 سال میں 1600 ارب میں سے صرف 700 ارب روپے لگائے۔

پاکستان تحریک انصاف(پی ٹی آئی) کے رہنما نے یہ بھی کہا کہ ہمارے پاس سندھ میں مینڈیٹ ہے، ہمیں سندھ کے عوام کی جنگ لڑنی ہے۔

حلیم عادل شیخ کا کہنا تھا کہ کہ سندھ حکومت غریب عوام کا پانی چوری کررہی ہے، سندھ میں ڈاکو آزاد پھر رہے ہیں، ہم پانی کی رکھوالی کریں گے۔

پاکستان تحریک انصاف(پی ٹی آئی) کے رہنما کا یہ بھی کہنا تھا کہ وزیراعظم نےکہا ایسا ہو ہی نہیں سکتا کسی بھی صوبے میں کسان سے زیادتی ہو، وزیراعظم نے احساس ایمرجنسی کیش پروگرام میں 35 فیصد فنڈ سندھ کو دیا۔

حلیم عادل شیخ نے کہا کہ پیپلز پارٹی پنجاب اور سندھ کو لڑوا کر سیکیورٹی رسک بن رہی ہے، اصل پانی چور سندھ حکومت ہے۔

پاکستان تحریک انصاف(پی ٹی آئی) کے رہنما حلیم عادل شیخ نے مزید کہا کہ سندھ کے بااثر افراد کو کینال سے 330 ڈائریکٹ کنکشن دیے گئے ہیں، سندھ میں غریب کسان کو کینالوں میں سے کنکشن نہیں دیا۔