پاکستان کی ٹاپ ٹک ٹاک اسٹار اور اداکارہ جنت مرزا کے ٹک ٹاک پر 15 ملین فالوورز ہوگئے ہیں۔

پاکستان کے شہر فیصل آباد سے تعلق رکھنے والی ٹک ٹاک ماڈل جنت مرزا کو ٹک ٹاک پر 15 ملین صارفین نے فالو کرلیا ہے۔

بیس سالہ جنت مرزا پاکستان کے معروف صنعتی شہر فیصل آباد میں آرٹس کالج کی طالبہ ہیں جبکہ گزشتہ سال ہی وہ تعلیمی مقاصد کے لیے جاپان منتقل ہوئی تھیں تاہم وہ کچھ دن کے بعد پاکستان واپس آگئی تھیں۔

اس کے علاوہ اداکارہ جنت مرزا ںے حال ہی میں لالی ووڈ میں ڈیبیو بھی کیا۔

ٹک ٹاک فالوورز میں اضافے کے بعد جنت مرزا پاکستان کی وہ پہلی شخصیت بن گئی ہیں جنہیں کسی سوشل میڈیا پلیٹ فارم پر 15 ملین صارفین نے فالو کیا ہوا ہے۔

دلچسپ بات یہ ہے کہ جنت مرزا نے مقبولیت کی دوڑ میں پاکستان کی تمام اداکاراؤں سمیت موجودہ وزیراعظم عمران خان کو بھی پیچھے چھوڑ دیا ہے۔

اس سے قبل وزیراعظم عمران خان پاکستان کی وہ واحد شخصیت تھے کہ جنہیں سوشل میڈیا کے پلیٹ فارم مائیکرو بلاگنگ سائٹ ٹوئٹر پر 13 اعشاریہ 7 ملین صارفین نے فالو کیا ہوا تھا۔

 لیکن اب جنت مرزا کے ٹک ٹاک فالوورز میں اضافے کے بعد وہ اس دوڑ میں سب سے آگے ہیں۔

جنت مرزا کے ٹک ٹاک اکاؤنٹ کا جائزہ لیں تو اُنہوں نے اب تک لاتعداد ویڈیوز اپ لوڈ کی ہیں۔

دوسری جانب انسٹاگرام پر جنت مرزا کے دو اعشاریہ ایک ملین یعنی 21 لاکھ فالوورز ہیں۔

 جبکہ انسٹاگرام پر اُنہوں نے ایک ہزار سے زائد پوسٹس کی ہوئی ہیں جن میں اُن کی دلکش تصویریں اور ٹک ٹاک ویڈیوز شامل ہیں۔