معروف بھارتی اداکار عالمی وبا کورونا وائرس کی وجہ سے انتقال کر گئے ہیں۔

غیر ملکی خبر رساں ادارے کے مطابق بھارت کے نیشنل ایوارڈ یافتہ اداکار و ہدایت کار مادمپو کنجکٹن کورونا کی وجہ سے انتقال کرگئے ہیں۔

81 سالہ مادمپو میں گزشتہ دنوں کورونا کی تشخیص ہوئی تھی۔

کورونا وائرس کے شکار ہونے کی وجہ سے مادمپو بھارت کے شہر ترشور کے مقامی اسپتال میں زیرعلاج تھے ،اداکار کو سانس لینے میں دشواری کا سامنا تھا۔

دوسری جانب مادمپو نے بھارتیہ جنتا پارٹی کے ٹکٹ پر 2001 میں اسمبلی کا الیکشن بھی لڑا تھا لیکن وہ کامیابی حاصل نہیں کر سکے تھے۔

اس کے علاوہ معروف بھارتی ہدایت کار  مادمپو نے فلم ’کرونام‘ کے لیے بھی بہترین اسکرپٹ رائٹر کا نیشنل ایوارڈ حاصل کیا تھا۔

گزشتہ روز تیلگو فلموں کے اداکار اور معروف ٹی وی میزبان تھمالا نرسمہا ریڈی کورونا وائرس کی وجہ سے زندگی کی بازی ہار گئے تھے۔

 45 سالہ اداکار چند روز سے کورونا کے باعث حیدرآباد کے ایک ہسپتال میں داخل تھے جہاں وہ آج جان کی بازی ہار گئے۔

اداکار تھمالا نرسمہا کے انتقال پر متعدد شوبز فملی شخصیات کی جانب سے افسوس کا اظہار کیا گیا۔

واضح رہے بھارت کے رئیلیٹی شو 14 کی فاتح و اداکارہ روبینہ دلیک کا بھی کورونا وائرس ٹیسٹ مثبت آیا تھا۔

اداکارہ روبینہ دلیک نے انسٹاگرام پر ایک اہم پیغام جاری کیا تھا جس میں اُنہوں نے مداحوں کو اپنی صحت کے حوالے سے آگاہ کیا۔

بگ باس 14 کی فاتح نے اپنے پیغام میں کہا تھا کہ میں ایک ماہ کے بعد اپنا پلازمہ عطیہ کرسکوں گی کیونکہ بدقسمتی سے میرا کورونا وائرس ٹیسٹ مثبت آگیا ہے۔

 

Advertisement

Advertisement

View this post on Instagram

Advertisement

Advertisement

Advertisement

Advertisement

 

A post shared by Rubina Dilaik (@rubinadilaik)

اداکارہ روبینہ نے بتایا تھا کہ میں اب اگلے 17 دن تک اپنے گھر میں ہی قرنطینہ میں رہوں گی۔

اُنہوں نے اپیل کرتے ہوئے کہا تھا کہ جن لوگوں نے مجھ سے حالیہ 5 سے 7 دنوں میں ملاقات کی ہے، وہ براہِ کرم! اپنا کورونا وائرس ٹیسٹ لازمی کروائیں۔

روبینہ دلیک کی پوسٹ پر اُن کے مداحوں کی بڑی تعداد اُن کے لیے جلد صحتیابی کے لیے دُعائیہ تبصرے کیے۔

واضح رہے کہ بھارت میں عالمی وبا نے شدت اختیار کی ہوئی ہیں اور دن با دن تیزی سے کورونا کیسز کی تعداد میں اضافہ دیکھنے میں آرہا ہے۔