وفاقی وزیر اطلاعات چوہدری فواد حسین نے  کہا کہ حدیبیہ کا مقدمہ شریف خاندان کی کرپشن کا سب سے اہم سرا ہے۔

تفصیلات کے مطابق وفاقی وزیر اطلاعات چوہدری فواد حسین نے سماجی رابطے کی ویب سایٹ ٹویٹر پر اپنے ایک پیغام میں کہا کہ اس مقدمے میں شہباز شریف اور نواز شریف مرکزی ملزم کی حیثیت رکھتے ہیں۔

حدیبیہ کا مقدمہ شریف خاندان کی کرپشن کا سب سے اہم سرا ہے، اس مقدمے میں شہباز شریف اور نواز شریف مرکزی ملزم کی حیثئیت رکھتے ہیں، جو طریقہ حدیبیہ میں پیسے باہر بھیجنے کیلئے استعمال ہوا اسی کو بعد میں ہر کیس میں اپنایا گیا۔ اس لئے اس کیس کو انجام تک پہنچانا از حد اہم ہے

— Ch Fawad Hussain (@fawadchaudhry) May 10, 2021

انہوں نے کہا کہ جو طریقہ حدیبیہ میں پیسے باہر بھیجنے کے لئے استعمال ہوا اسی کو بعد میں ہر کیس میں اپنایا گیا ہے۔

 چوہدری فواد کا کہنا تھا کہ اس لئے اس کیس کو انجام تک پہنچانا از حد اہم ہے۔

وفاقی وزیر اطلاعات نے کہا کہ آج وزیر اعظم عمران خان کو قانونی ٹیم نے شہباز شریف کے مقدمات کے حوالے سے تفصیلی بریفنگ دی ہے۔

انہوں نے یہ بھی کہا کہ حکومت نے یہ فیصلہ کیا ہے کہ حدیبیہ پیپر ملز کا مقدمہ نئے سرے سے تفتیش کا متقاضی ہے۔

وفاقی وزیر اطلاعات چوہدری فواد حسین نے اس سلسلے میں متعلقہ اداروں کو تفتیش نئے سرے سے شروع کرنے کی ہدایات بھی جاری کردی ہیں۔