وزیرتعلیم سندھ سعید غنی نے کہا ہے کہ سندھ بھر میں تمام تعلیمی ادارے تاحکم ثانی بند رہیں گے۔
تفصیلات کے مطابق وزیرتعلیم سندھ سعید غنی نے اپنے ایک بیان میں کہا کہ سندھ بھر میں تمام تعلیمی ادارے تاحکم ثانی بند رہیں گے، تعلیمی اداروں میں تدریسی عمل معطل کرنے کا نوٹیفکیشن جاری کردیا گیا ہے۔
سعید غنی نے کہا کہ اساتذہ 50 فیصد کی حاضری کے احکامات کے تحت آسکیں گے۔
وزیرتعلیم سندھ سعید غنی نے مزید کہا کہ ای میل اور واٹس ایپ سے آن لائن کلاسز کا عمل جاری رکھا جائے اور تعلیمی ادارے جاری کردہ سلیبس کے تحت اپنا کورس مکمل کرائیں۔
یاد رہے اس سے قبل وزیراعلیٰ سندھ سید مرادعلی شاہ نے وزیر صحت سندھ عذرا پیچوہو اور ترجمان سندھ حکومت مرتضیٰ وہاب کے ہمراہ اہم پریس کانفرنس کرتے ہوئے کہا تھا کہ24 مئی سے سندھ میں اسکول نہیں کھل رہے۔ صوبے بھرمیں تمام تعلیمی ادارے مزید دو ہفتے تک بند رہیں گے۔
Advertisement
واضح رہے کہ این سی او سی نے 5 فیصد سےکم والے اضلاع میں تعلیمی ادارے کھولنے کا فیصلہ کرتے ہوئے اعلان کیا تھا کہ میٹرک اور انٹر کے امتحانات 20 جون کے بعد لیے جائیں گے۔ پیشہ ورانہ اور غیرپیشہ ورانہ امتحانات وزارت تعلیم کی سفارش پر منعقد ہوں گے۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
