آزاد کشمیر میں 8 سے 16 مئی تک مکمل لاک ڈاؤن

وریشہ مسعود

06th May, 2021. 12:16 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

آزاد کشمیر میں 8 سے 16 مئی تک مکمل لاک ڈاؤن

کورونا کے بڑھتے ہوئے کیسز کے باعث کشمیر حکومت نے لاک ڈاؤن کا نفاذ کر دیا ہے، آزاد کشمیر میں 8 سے 16 مئی تک مکمل لاک ڈاؤن رہے گا۔

تفصیلات کے مطابق نیشنل کنٹرول اینڈ آپریشن سینٹر (این سی او سی) کی ہدایت پر آزاد کشمیر حکومت نے مکمل لاک ڈاؤن کا نوٹیفکیشن جاری کردیا۔

نوٹیفکیشن کے مطابق تندور، دودھ کی دکان، میڈیکل اسٹورز، ویکسینیشن سینٹرز اور پیٹرول پمپس کھلے رہیں گے جبکہ سبزی، گوشت، مٹھائی کی دکانیں صبح 6 سے شام 8 بجے تک کھولی جاسکیں گی۔

نوٹیفکیشن میں کہا گیا ہے کہ لاک ڈاؤن کے دوران سیاحتی مقامات کو جانے والی تمام سڑکیں بند رہیں گی جبکہ میرپور آزاد کشمیر میں بھی ہر قسم کی سیاحتی سرگرمیوں پر مکمل پابندی ہوگی۔

نوٹیفکیشن میں یہ بھی کہا گیا ہے کہ لاک ڈاؤن کے دوران تمام ہوٹل، ریسٹورنٹس، شاپنگ مالز، پبلک پارکس، پکنک پوائنٹس مکمل بند ہوں گے۔

نوٹیفکیشن میں مزید کہا گیا ہے کہ بین الاضلاعی، بین الصوبائی اور انٹرسٹی ٹرانسپورٹ مکمل بند رہے گی، صرف مقامی افراد گھروں کو واپس لوٹ سکیں گے۔