پاکستانی طالب علم موسیٰ کی ساتھی کلاس فیلوز کے ہاتھوں تزہیک سوشل میڈیا پر ٹاپ ٹرینڈ میں شامل ہوگئی ہے۔

اسکول میں زیر تعلیم موسیٰ کو عینک لگانے پرساتھیوں نے تزہیک آمیز رویہ اختیار کیا اور ننھے طالب علم کو بدصورت کہہ دیا، جس سے موسیٰ کا اعتماد بری طرح متاثر ہوا۔

جس کے باعث موسیٰ نے اپنے والد سے نظر کا چشمہ پہننے سے انکار کردیا،برطانیہ میں مقیم والد نے سوشل میڈیا پر پوسٹ تحریر کی  جس میں انہوں نے لکھا’ موسیٰ چشمہ لگانے میں ہچکچارہا ہے،چلو دنیا والوں سے پوچھیں موسیٰ گلاسز میں کیسا دکھتا ہے؟

 جس کے بعد سماجی رابطے کی ویب سائٹ پر دنیا بھر سے محبت بھرے پیغامات کا ڈھیر لگ گیا اور موسیٰ کا نام ٹاپ ٹرینڈ بن گیا۔

پاکستانی اداکار عدنان صدیقی نے تم کتنے پیارے دکھتے ہو، گلاسز پہن کر میرا ساتھ دو۔

علی گُل پیر نے کہا چشمہ پہننے والے تو زیادہ ہینڈسم ہوتے ہیں، اب مجھے ہی دیکھ لو۔

فاسٹ بولر محمد عامر نے کہا کہ تم عینک میں مزید ہینڈسم لگتے ہو۔

مقبوضہ کشمیر کے سابق وزیراعلیٰ عمر عبداللہ بھی موسیٰ کی حوصلہ افزائی کے لیے سامنے آگئے۔

 اس کے علاوہ وفاقی وزیر زرتاج گل، کرکٹر امام الحق ، گلوکارہ میشا شفیع سمیت دنیا بھر سے سیکڑوں افراد نے موسیٰ کے لیے پیغامات بھیجے۔

موسیٰ نے حوصلہ آفزا پیغامات پر سب کا شکریہ ادا کیا اور عینک پہننے کا وعدہ کیا۔