امیر جماعت اسلامی سراج الحق  نے کہا ہے کہ عالم اسلام کا فرض ہے کہ وہ فلسطینیوں کی مدد کرے۔

تفصیلات کے مطابق امیر جماعت اسلامی سراج الحق نے فلسطین کے حوالے سے ہنگامی اجلاس کیا ہے۔

سراج الحق  نے کہا کہ فلسطین مذمتی قراردادوں  سے آزاد نہیں ہو گا بلکہ فلسطین جہاد ،امت مسلمہ اتحاد اور مشترکہ جدوجہد سے آزاد ہو گا۔

امیر جماعت اسلامی کا کہنا تھا کہ فلسطین کے حوالے سے 21 مئ کو اسلام اباد، 23 مئ کو کراچی، اور 30 مئ کو پشاور میں بھرپور احتجاج  کریں گے۔

انہوں نے کہا کہ اسرائیل نے فلسطین کو کھنڈرات  میں تبدیل کر دیا ہے اب عالم اسلام پر جہاد فرض ہو چکا ہے۔

سراج الحق  نے یہ بھی کہا کہ اسرائیل نے فلسطین پر بمباری کر کے سینکڑوں فلسطینیوں کو شہید کر دیا جن میں خواتین بوڑھے اور بچے شامل ہیں۔

امیر جماعت اسلامی کا کہنا تھا کہ پاکستان کا یہ فرض تھا کہ وہ او آئی سی کا اجلاس بلاتے ۔

سراج الحق  نے کہا کہ جماعت اسلامی نے فلسطین فنڈز بھی قائم کیے ہیں۔

انہوں نے یہ بھی کہا کہ مسجد اقصیٰ کو عمر بن خطاب نے عیسائیوں سے آذاد کیا تھا اور پھر سلاح الدین نے دوسری مرتبہ آزاد کیا ہے۔

امیر جماعت اسلامی کا کہنا تھا کہ افسوس کی بات ہے اتنی اہم قرارداد اسمبلی سے منظور ہوتے وقت وزیر اعظم عمران خان اسمبلی میں نہیں تھے۔

امیر جماعت اسلامی سراج الحق  نے مزید کہا کہ فلسطین کی طرف جو ہاتھ بڑھے گا وہ ہم توڑیں گے ،حکومت کو چاہئیے کہ جلسے کے بجائے اقدامات کریں۔